Aita keteiik, mundai chempionat elde alǵash ret ótkizilýde. Dástúrli sadaq atý saiysyna elimizdiń ár óńirinen 200-den astam sadaqshy qatysty.
Chempionatqa Mańǵystaý oblysynyń ákimi Nurlan Noǵaev, Qazaqstan Respýblikasy Ulttyq sport túrleri qaýymdastyǵynyń basshysy Islambek Saljanov, sondai-aq qala turǵyndary men qonaqtary qatysty.
– Qurmetti sport súier qaýym, barshańyzdy sadaq atýdan eresekter, jastar jáne jasóspirimder arasyndaǵy 1-shi Respýblikalyq dástúrli chempionattyń ashylýymen quttyqtaimyn! Osy jarysqa elimizdiń basqa oblystarynan kelgen qonaqtarǵa, sportshylarǵa qosh keldińizder degim keledi. Mańǵystaý ejelden salt-dástúrdi berik ustanǵan, syr men ǵajaiyptarǵa toly kieli ólke sanalady. Sonyń bir dáleli – táýelsiz elde alǵash ret uiymdastyrylyp otyrǵan «Uly dala joryǵy» marafonynyń jeńimpazdarynyń erligi. Memleket basshysynyń elimizdiń árbir azamaty rýhani, bilimdi, básekege qabiletti bolýy kerek degen tapsyrmasy aiasynda sport keshenderi salynyp, jóndeýdi qajet etetinderi kúrdeli jóndeýden ótýde. Ásirese, sońǵy jyldary ulttyq sport túrlerine erekshe kóńil bólinip kele jatqanyn erekshe atap ótkim keledi. Bul úrdis odan ári jalǵasatyn bolady. Ata-babadan qalǵan qarýdy sporttyq maqsatta paidalanyp, osy sport túrimen ainalysqandaryńyz úshin sizderge alǵys aitamyn. Barlyq qatysýshylarǵa sáttilik pen jeńis jolynda tabandylyq tileimin, – dedi aimaq basshysy Nurlan Noǵaev.
Oblysta dástúrli sadaq atý sportymen 400-ge jýyq sportshy ainalysady. Onyń ishinde 10-15 sportshy respýblikalyq jáne halyqaralyq jarystarda oblys namysyn laiyqty qorǵap júrgender.
Jarys qorytyndysy boiynsha komandalyq esepte 1-oryndy Shymkent qalasynyń mergenderi alsa, 2-oryndy Abai oblysynyń mergenderi aldy. Al, 3-oryn Jetisý oblysynyń mergenderine buiyrdy. Sondai-aq, ár nysana boiynsha jas shamasyna qarai úzdik mergender anyqtalyp, olarǵa da aqshalai syiaqy tabystaldy.
Ashyq aspan astynda ótken sporttyq sharany 2500-ge jýyq kórermen tamashalady.
