– Terapiia bóliminiń qurylysyn salý úshin oblystyq densaýlyq saqtaý basqarmasy men QR Densaýlyq saqtaý ministrligine hat joldadyq. Búgingi kúni Jańaózendegi halyq sanynyń ósýine bailanysty biyl 3 qabatty ǵimarattyń qurylysy bastalady. Endi terapiia, kardiologiia, nevrologiia, ginekologiia bólimshelerinen quralǵan keń kólemdegi ortalyq bir jerge ornalasatyn bolady, – dedi Jańaózen qalalyq kópbeiindi aýrýhana basshysy Serik Asqarov.
Sonymen qatar ótken jyly kópbeiindi aýrýhana janynan kardioortalyq óz jumysyn bastady. Meditsinalyq qural-jabdyqpen tolyq qamtylǵan ortalyqta koronarografiia, mi tamyrlaryn stendteý, jatyr moiynynyń embalizatsiiasy sekildi 500 túrli ota jasaldy. Aldaǵy ýaqytta otanyń jańa túrlerin engizý josparlanyp jatyr.
– Nur-Sultan men Almaty qalalasynan kelgen dárigerler, jańaózendikterge otany tegin jasaidy. Josparly emdeýge jatqyzý portaly arqyly barlyq aýdandar, qalalar, oblystar jiberýge múmkindik bar, – S. Asqarov.
Ótken jyly Jańaózende polimerazdy tizbekti reaktsiia anyqtaityn zerthana ashyldy. Biliktiligin arttyrý kýrsynan ótken mamandar, kúnine 200-ge jýyq zertteýlerdi anyqtaidy. Mundaǵy 5 qyzmetker osy kúnge deiin 3 myńdai turǵynǵa qyzmet kórsetken. Test qorytyndysy 3 saǵatta daiyn bolady.
– Aita ketý kerek, qaýipti indet kezinde jańaózendikter PTR-test tapsyrý úshin Aqtaý qalasyna bardy. Aimaq ákimdigi jáne demeýshilerdiń qoldaýymen qalalyq aýrýhana irgesinen ashylǵan zerthana jańaózendikterge qyzmet kórsetip jatyr. «ÓzenMunaiGaz» AQ qoldaýymen barlyq jóndeý jumystary júrgizilip, PTsR anyqtaityn qural-jabdyqpen tolyqtai jabdyqtaldy, – dedi ol.
Budan bólek memlekettik-jeke seriktestik jobasy aiasynda 2018 jyly sáýir aiynda gemodializ ortalyǵy ashyldy. Ortalyq sozylmaly búirek jetispeýshiliginiń besinshi satysyndaǵy naýqastarǵa qyzmet etedi. Ortalyqta 7 gemodializ apparaty bar. 2018 jyly 15, 2019 jyly 19, 2020 jyly 21, jyl bassynan beri 25 naýqas em aldy. Qazirgi tańda ortalyqta joǵarǵy sanatty 3 dáriger, 3 medbike, 1 júrgizýshi jumys isteidi.
