– تەراپيا ءبولىمىنىڭ قۇرىلىسىن سالۋ ءۇشىن وبلىستىق دەنساۋلىق ساقتاۋ باسقارماسى مەن ق ر دەنساۋلىق ساقتاۋ مينيسترلىگىنە حات جولدادىق. بۇگىنگى كۇنى جاڭاوزەندەگى حالىق سانىنىڭ وسۋىنە بايلانىستى بيىل 3 قاباتتى عيماراتتىڭ قۇرىلىسى باستالادى. ەندى تەراپيا، كارديولوگيا، نيەۆرولوگيا، گينەكولوگيا بولىمشەلەرىنەن قۇرالعان كەڭ كولەمدەگى ورتالىق ءبىر جەرگە ورنالاساتىن بولادى، – دەدى جاڭاوزەن قالالىق كوپبەيىندى اۋرۋحانا باسشىسى سەرىك اسقاروۆ.
سونىمەن قاتار وتكەن جىلى كوپبەيىندى اۋرۋحانا جانىنان كارديوورتالىق ءوز جۇمىسىن باستادى. مەديسينالىق قۇرال-جابدىقپەن تولىق قامتىلعان ورتالىقتا كوروناروگرافيا، مي تامىرلارىن ستەندتەۋ، جاتىر مويىنىنىڭ ەمباليزاسياسى سەكىلدى 500 ءتۇرلى وتا جاسالدى. الداعى ۋاقىتتا وتانىڭ جاڭا تۇرلەرىن ەنگىزۋ جوسپارلانىپ جاتىر.
– نۇر-سۇلتان مەن الماتى قالالاسىنان كەلگەن دارىگەرلەر، جاڭاوزەندىكتەرگە وتانى تەگىن جاسايدى. جوسپارلى ەمدەۋگە جاتقىزۋ پورتالى ارقىلى بارلىق اۋداندار، قالالار، وبلىستار جىبەرۋگە مۇمكىندىك بار، – س. اسقاروۆ.
وتكەن جىلى جاڭاوزەندە پوليمەرازدى تىزبەكتى رەاكسيا انىقتايتىن زەرتحانا اشىلدى. بىلىكتىلىگىن ارتتىرۋ كۋرسىنان وتكەن ماماندار، كۇنىنە 200-گە جۋىق زەرتتەۋلەردى انىقتايدى. مۇنداعى 5 قىزمەتكەر وسى كۇنگە دەيىن 3 مىڭداي تۇرعىنعا قىزمەت كورسەتكەن. تەست قورىتىندىسى 3 ساعاتتا دايىن بولادى.
– ايتا كەتۋ كەرەك، ءقاۋىپتى ىندەت كەزىندە جاڭاوزەندىكتەر پتر-تەست تاپسىرۋ ءۇشىن اقتاۋ قالاسىنا باردى. ايماق اكىمدىگى جانە دەمەۋشىلەردىڭ قولداۋىمەن قالالىق اۋرۋحانا ىرگەسىنەن اشىلعان زەرتحانا جاڭاوزەندىكتەرگە قىزمەت كورسەتىپ جاتىر. «وزەنمۇنايگاز» اق قولداۋىمەن بارلىق جوندەۋ جۇمىستارى جۇرگىزىلىپ، پسر انىقتايتىن قۇرال-جابدىقپەن تولىقتاي جابدىقتالدى، – دەدى ول.
بۇدان بولەك مەملەكەتتىك-جەكە سەرىكتەستىك جوباسى اياسىندا 2018 جىلى ءساۋىر ايىندا گەمودياليز ورتالىعى اشىلدى. ورتالىق سوزىلمالى بۇيرەك جەتىسپەۋشىلىگىنىڭ بەسىنشى ساتىسىنداعى ناۋقاستارعا قىزمەت ەتەدى. ورتالىقتا 7 گەمودياليز اپپاراتى بار. 2018 جىلى 15، 2019 جىلى 19، 2020 جىلى 21، جىل باسسىنان بەرى 25 ناۋقاس ەم الدى. قازىرگى تاڭدا ورتالىقتا جوعارعى ساناتتى 3 دارىگەر، 3 مەدبيكە، 1 جۇرگىزۋشى جۇمىس ىستەيدى.
