Qazaqstanda 2026 jylǵy 1 qańtardan bastap jańa Salyq kodeksi kúshine enedi. Qujat qoǵamda kóp suraq týǵyzyp, qyzý talqylanyp jatyr. Ásirese, eń kóp daý týdyrǵan normalardyń biri - kazinolardy qosylǵan qun salyǵynan (QQS) bosatyp, al meditsinalyq qyzmetterge QQS engizý máselesi, dep habarlaidy Dalanews.kz.
Májilis depýtaty Aitýar Qoshmambetov bul sheshimdi kazinolar biznesiniń ereksheligimen túsindirdi. Onyń aitýynsha, elde kazino sany az, al árbir qarjylyq operatsiiaǵa QQS salynsa, olar shyǵynǵa batýy múmkin. Sonymen qatar, taza tabystan salyq esepteý de kúrdeli.
Depýtat onlain-kazinolarǵa qatysty másele áldeqaida ózekti ekenin de jasyrmaidy. Ásirese, sheteldik platformalar baqylaýsyz qalyp otyr, al olarǵa tartylǵan azamattar sany alańdatarlyq deńgeige jetken.
Sarapshylardyń pikirinshe, qańtar-aqpan ailarynda azamattar ózgeristerdi qatty sezbeýi múmkin. Alaida kóktemge qarai jańa Salyq kodeksiniń saldary aiqynyraq baiqalýy yqtimal.
Eske salaiyq, buǵan deiin taǵy tórt oblysta kazinolar ashylatyny habarlandy.
