2025 jyldyń 11 aiynyń qorytyndysy boiynsha Almaty oblysy óziniń tarihynda alǵash ret memlekettik biýdjetke salyqtar men basqa da mindetti tólemder boiynsha 1 trln teńgeden astam qarjy túsirdi. Bul kórsetkish 2024 jyldyń sáikes kezeńimen salystyrǵanda 104,5 mlrd teńgege nemese 11,4%-ǵa joǵary (01.12.2024 j. jaǵdaiy boiynsha – 915,1 mlrd teńge), dep habarlaidy Dalanews.kz
Jergilikti biýdjetke túsimderdiń aitarlyqtai artqany baiqalady: óńirdiń menshikti kiristeri 566,8 mlrd teńgeni qurap, 2024 jylǵy deńgeiden 98 mlrd teńgege nemese 20,9%-ǵa kóp boldy (468,9 mlrd teńge).
Respýblikalyq biýdjetke túsimder 452,8 mlrd teńgeni qurap, ótken jylǵy kórsetkishten 6,6 mlrd teńgege nemese 1,5%-ǵa joǵary boldy (446,2 mlrd teńge).
Eger, 2021 jylmen salystyrǵanda (sol jyly túsimder kólemi 663,4 mlrd teńge bolǵan), jalpy ósim 356,2 mlrd teńgeni qurap otyr, onyń ishinde respýblikalyq biýdjetke túsimder 106,7 mlrd teńgege, jergilikti biýdjetke túsimder 249,4 mlrd teńgege artqan.
Eske salaiyq,
2022 jyl — 780,1 mlrd teńge (RB — 384,0; JB— 396,1 mlrd teńge);
2023 jyl — 888,6 mlrd teńge (RB — 488,3; JB— 400,3 mlrd teńge);
2024 jyl — 997,6 mlrd teńge (RB — 477,0; JB— 520,5 mlrd teńge).
Bul oqiǵa óńirdiń áleýmettik-ekonomikalyq damýynyń mańyzdy kezeńi bolyp, salyq bazasyn keńeitý jáne kásipkerlikti qoldaý baǵytynda qabyldanyp jatqan sharalardyń tiimdiligin dáleldep otyr.
