Qarjylyq monitoring agenttiginiń habarlaýynsha iemleket menshigine qaitarylǵan nysandar Astana, Almaty jáne Qostanai qalalarynda ornalasqan.
Bul nysandardyń barlyǵyn qoldanystaǵy zańnamaǵa sáikes demalys, saýyqtyrý jáne bilim berý ortalyqtaryn uiymdastyra otyryp, áleýmettik maqsattarǵa paidalaný josparlanýda
"Memleket kirisine jalpy quny 33,75 mlrd teńge bolatyn keńse, saýda jáne oiyn-saýyq kesheni, sondai-aq saýyqtyrý jáne fitnes jelisi ótti. Atap aitqanda, ońtústik megapolistiń ortalyǵynda ornalasqan "Almaly" saýda ortalyǵynyń ǵimaraty men jalǵa berý jáne múlikti basqarýmen ainalysatyn "Unity Hall" JShS. Almaty Towers biznes ortalyǵynda ornalasqan nysannyń aýdany 11 myń sharshy metrden asady. Sondai-aq, "Fitnation" fitnes-klýbtar jelisi de memleket menshigine ótti", - delingen Qarjylyq monitoring agenttigi habarlamasynda.
Aktivterdi qaitarý jumystary áli de jalǵasýda.
Buǵan deiin Qairat Boranbaevtyń quny 1,4 mlrd teńge bolatyn Comfort Hotel Astana qonaq úi keshenin memleket menshigine berilgeni habarlanǵan. Aýdany 5 myń sharshy metrden asatyn qonaq úidiń jyldyq ainalymy – 900 mln teńgege jýyq.
12 qazanda Qairat Boranbaevpen bailanysty Phystech II kompaniiasy aktsiialarynyń 100 paiyzyn "óz erkimen jáne óteýsiz" memleket menshigine qaitardy. Kómirsýtek igerýmen ainalysatyn kompaniia aktsiialarynyń bir bóligi Boranbaevqa tiesili bolǵan.
Buǵan deiin Qazaqstan úkimeti sottalǵan millioner Qairat Boranbaevtan tárkilengen múlikti memleket esebine berýdi ne satýdy, ia senimgerlik basqarýǵa beretinin habarlaǵan.
Boranbaev biyl naýryzda 8 jyl túrme jazasyn alǵan. Keiin Astananyń qylmystyq ister jónindegi sot alqasy Boranbaevtyń úkimin ózgertip, qyrkúiekte sot ony 6 jylǵa sottady. Boranbaev "Qylmystyq quqyq buzýshylyqqa sybailas qatysýshylardyń túrleri", "Senip tapsyrylǵan bóten múlikti iemdený" jáne "Qylmystyq jolmen alynǵan aqshany zańdastyrý" baptary boiynsha aiyptalǵan.
Biyl tamyzda jergilikti BAQ Boranbaevtyń advokatyna súiene otyryp, kásipker tergeý organdarymen protsessýaldyq kelisim jasaýǵa keliskenin, bas bostandyqtan aiyrylý jazasynyń ornyna kináni moiyndap, shyǵyndy óteýge keliskenin jazǵan.
Qairat Boranbaev – eks-prezidenttiń úlken qyzy Dariǵa Nazarbaevanyń burynǵy qudasy. 2021 jyly Forbes Kazakhstan onyń bailyǵyn 590 mln dep baǵalap, ony Qazaqstandaǵy eń dáýletti 50 biznesmenniń qataryna qosqan.
...
Aitqandai, eks-premer Asqar Máminge tyqyr taiandy. Tolyǵyraq osy jerde: https://t.me/dalainside/1531
