قارجىلىق مونيتورينگ اگەنتتىگىنىڭ حابارلاۋىنشا يەملەكەت مەنشىگىنە قايتارىلعان نىساندار استانا، الماتى جانە قوستاناي قالالارىندا ورنالاسقان.
بۇل نىسانداردىڭ بارلىعىن قولدانىستاعى زاڭناماعا سايكەس دەمالىس، ساۋىقتىرۋ جانە ءبىلىم بەرۋ ورتالىقتارىن ۇيىمداستىرا وتىرىپ، الەۋمەتتىك ماقساتتارعا پايدالانۋ جوسپارلانۋدا
"مەملەكەت كىرىسىنە جالپى قۇنى 33،75 ملرد تەڭگە بولاتىن كەڭسە، ساۋدا جانە ويىن-ساۋىق كەشەنى، سونداي-اق ساۋىقتىرۋ جانە فيتنەس جەلىسى ءوتتى. اتاپ ايتقاندا، وڭتۇستىك مەگاپوليستىڭ ورتالىعىندا ورنالاسقان "المالى" ساۋدا ورتالىعىنىڭ عيماراتى مەن جالعا بەرۋ جانە مۇلىكتى باسقارۋمەن اينالىساتىن "Unity Hall" ج ش س. Almaty Towers بيزنەس ورتالىعىندا ورنالاسقان نىساننىڭ اۋدانى 11 مىڭ شارشى مەتردەن اسادى. سونداي-اق، "Fitnation" فيتنەس-كلۋبتار جەلىسى دە مەملەكەت مەنشىگىنە ءوتتى"، - دەلىنگەن قارجىلىق مونيتورينگ اگەنتتىگى حابارلاماسىندا.
اكتيۆتەردى قايتارۋ جۇمىستارى ءالى دە جالعاسۋدا.
بۇعان دەيىن قايرات بورانبايەۆتىڭ قۇنى 1،4 ملرد تەڭگە بولاتىن Comfort Hotel Astana قوناق ءۇي كەشەنىن مەملەكەت مەنشىگىنە بەرىلگەنى حابارلانعان. اۋدانى 5 مىڭ شارشى مەتردەن اساتىن قوناق ءۇيدىڭ جىلدىق اينالىمى – 900 ملن تەڭگەگە جۋىق.
12 قازاندا قايرات بورانبايەۆپەن بايلانىستى Phystech II كومپانياسى اكسيالارىنىڭ 100 پايىزىن "ءوز ەركىمەن جانە وتەۋسىز" مەملەكەت مەنشىگىنە قايتاردى. كومىرسۋتەك يگەرۋمەن اينالىساتىن كومپانيا اكسيالارىنىڭ ءبىر بولىگى بورانبايەۆقا تيەسىلى بولعان.
بۇعان دەيىن قازاقستان ۇكىمەتى سوتتالعان ميلليونەر قايرات بورانبايەۆتان تاركىلەنگەن مۇلىكتى مەملەكەت ەسەبىنە بەرۋدى نە ساتۋدى، يا سەنىمگەرلىك باسقارۋعا بەرەتىنىن حابارلاعان.
بورانبايەۆ بيىل ناۋرىزدا 8 جىل تۇرمە جازاسىن العان. كەيىن استانانىڭ قىلمىستىق ىستەر جونىندەگى سوت القاسى بورانبايەۆتىڭ ۇكىمىن وزگەرتىپ، قىركۇيەكتە سوت ونى 6 جىلعا سوتتادى. بورانبايەۆ "قىلمىستىق قۇقىق بۇزۋشىلىققا سىبايلاس قاتىسۋشىلاردىڭ تۇرلەرi"، "سەنiپ تاپسىرىلعان بوتەن ءمۇلiكتi يەمدەنۋ" جانە "قىلمىستىق جولمەن الىنعان اقشانى زاڭداستىرۋ" باپتارى بويىنشا ايىپتالعان.
بيىل تامىزدا جەرگىلىكتى ب ا ق بورانبايەۆتىڭ ادۆوكاتىنا سۇيەنە وتىرىپ، كاسىپكەر تەرگەۋ ورگاندارىمەن پروسەسسۋالدىق كەلىسىم جاساۋعا كەلىسكەنىن، باس بوستاندىقتان ايىرىلۋ جازاسىنىڭ ورنىنا كىنانى مويىنداپ، شىعىندى وتەۋگە كەلىسكەنىن جازعان.
قايرات بورانبايەۆ – ەكس-پرەزيدەنتتىڭ ۇلكەن قىزى داريعا نازاربايەۆانىڭ بۇرىنعى قۇداسى. 2021 جىلى Forbes Kazakhstan ونىڭ بايلىعىن 590 ملن دەپ باعالاپ، ونى قازاقستانداعى ەڭ داۋلەتتى 50 بيزنەسمەننىڭ قاتارىنا قوسقان.
...
ايتقانداي، ەكس-پرەمەر اسقار مامينگە تىقىر تاياندى. تولىعىراق وسى جەردە: https://t.me/dalainside/1531
