Jambyl oblysynda iri kólemdegi esirtki taratý áreketiniń joly kesildi, dep habarlaıdy Dalanews.kz.
Merki – Shý – Býrylbaıtal tasjolynyń 122-shaqyrymynda jeke tasymalmen aınalysatyn Shý qalasynyń 55 jastaǵy turǵyny tizgindegen Volkswagen Golf kóligi toqtatylǵan. Kólikti tintý barysynda jolaýshylardyń birinen gashısh salynǵan paket tabylǵan. Tárkilengen esirtkiniń jalpy salmaǵy 9 keliden asady.
"Shamamen 20 myń ret tutynatyn esirtki taralýyna jol berilmedi", - dedi Jambyl oblysy PD bastyǵynyń orynbasary Maqsat Qanapáev.
Bul derek boıynsha sotqa deıingi tergep-tekserý bastaldy. Kúdikti ustalyp, ýaqytsha ustaý ızolátoryna qamaldy.
