جامبىل وبلىسىندا ءىرى كولەمدەگى ەسىرتكى تاراتۋ ارەكەتىنىڭ جولى كەسىلدى، دەپ حابارلايدى Dalanews.kz.
مەركى – شۋ – بۋرىلبايتال تاسجولىنىڭ 122-شاقىرىمىندا جەكە تاسىمالمەن اينالىساتىن شۋ قالاسىنىڭ 55 جاستاعى تۇرعىنى تىزگىندەگەن Volkswagen Golf كولىگى توقتاتىلعان. كولىكتى ءتىنتۋ بارىسىندا جولاۋشىلاردىڭ بىرىنەن گاشيش سالىنعان پاكەت تابىلعان. تاركىلەنگەن ەسىرتكىنىڭ جالپى سالماعى 9 كەلىدەن اسادى.
"شامامەن 20 مىڭ رەت تۇتىناتىن ەسىرتكى تارالۋىنا جول بەرىلمەدى"، - دەدى جامبىل وبلىسى پد باستىعىنىڭ ورىنباسارى ماقسات قاناپيايەۆ.
بۇل دەرەك بويىنشا سوتقا دەيىنگى تەرگەپ-تەكسەرۋ باستالدى. كۇدىكتى ۇستالىپ، ۋاقىتشا ۇستاۋ يزولياتورىنا قامالدى.
