Jambyl oblysynda júk vagondary soqtyǵysyp, relsten shyqty, dep habarlaıdy Dalanews.kz.
Derekkózderdiń málimetinshe, 2025 jylǵy 20 jeltoqsanda Jambyl oblysy aýmaǵynda vagondardy suryptaý dóńesinen tarqatý kezinde úsh júk vagony soqtyǵysqan. Saldarynan úsh vagon da relsten shyǵyp, qyryna qaraı qulaǵan. Poıyz quramyndaǵy 40 vagonnyń tutqalary men satylary zaqymdanǵan. Onyń ishinde eki vagonda Qazaqstan Respýblıkasynyń Qorǵanys mınıstrligine tıesili áskerı-tehnıkalyq múlik tasymaldanǵan.
QTJ jaýaby
Oqıǵa 20 jeltoqsanda saǵat 21:25-te Túrksib stansıasy aýmaǵynda bolǵan. Manevrlik jumystar kezinde tarqatylyp jatqan vagondar jóneltilip jatqan júk poıyzymen búıirinen soqtyǵysqan.
Oqıǵa saldarynan qaza tapqandar men zardap shekkender joq. Poıyz qozǵalysynda shekteý bolǵan joq, oqıǵa basqa quramdardyń júrý kestesine áser etpegen.
Qalpyna keltirý jumystary jedel túrde júrgizildi. Qazirgi ýaqytta Túrksib stansıasy qalypty rejımde jumys istep tur.
