جامبىل وبلىسىندا جۇك ۆاگوندارى سوقتىعىسىپ، رەلستەن شىقتى، دەپ حابارلايدى Dalanews.kz.
دەرەككوزدەردىڭ مالىمەتىنشە، 2025 جىلعى 20 جەلتوقساندا جامبىل وبلىسى اۋماعىندا ۆاگونداردى سۇرىپتاۋ دوڭەسىنەن تارقاتۋ كەزىندە ءۇش جۇك ۆاگونى سوقتىعىسقان. سالدارىنان ءۇش ۆاگون دا رەلستەن شىعىپ، قىرىنا قاراي قۇلاعان. پويىز قۇرامىنداعى 40 ۆاگوننىڭ تۇتقالارى مەن ساتىلارى زاقىمدانعان. ونىڭ ىشىندە ەكى ۆاگوندا قازاقستان رەسپۋبليكاسىنىڭ قورعانىس مينيسترلىگىنە تيەسىلى اسكەري-تەحنيكالىق مۇلىك تاسىمالدانعان.
قتج جاۋابى
وقيعا 20 جەلتوقساندا ساعات 21:25-تە تۇركسىب ستانسياسى اۋماعىندا بولعان. مانيەۆرلىك جۇمىستار كەزىندە تارقاتىلىپ جاتقان ۆاگوندار جونەلتىلىپ جاتقان جۇك پويىزىمەن بۇيىرىنەن سوقتىعىسقان.
وقيعا سالدارىنان قازا تاپقاندار مەن زارداپ شەككەندەر جوق. پويىز قوزعالىسىندا شەكتەۋ بولعان جوق، وقيعا باسقا قۇرامداردىڭ ءجۇرۋ كەستەسىنە اسەر ەتپەگەن.
قالپىنا كەلتىرۋ جۇمىستارى جەدەل تۇردە جۇرگىزىلدى. قازىرگى ۋاقىتتا تۇركسىب ستانسياسى قالىپتى رەجيمدە جۇمىس ىستەپ تۇر.
