Áleýmettik jelide baǵdarsham jasyl janǵanda joldy kesip ótip bara jatyp, ortajolda esh qimylsyz qatyp qalǵan eki balanyń videosy taraýda. Tań-tamasha jeli qoldanýshylary munyń sebebin izdep, oilary san-saqqa júgirýde. Bireýleri "matritsada aqaý boldy" dese, taǵy biri "bul - balardyń oiyny" ekenin aitýda. Al politseiler Tarazda bolǵan bul oqiǵanyń basty keiipkerlerin taýyp alǵanyn jetkizdi, dep habarlaidy Dalanews.kz.
Áleýmettik jelilerdi monitoringteý barysynda politseiler joldyń júrginshiler jolaǵynan ótip bara jatqan eki oqýshynyń aiaq astynan qozǵalmai turyp qalǵan videony baiqap, bul jaitty nazarlaryna aldy. Politsiia qyzmetkerleri balalardyń jeke basyn, bolǵan jaittyń mán-jaiyn anyqtady. Belgili bolǵandai, dostar "jasyl sham janyp turǵan kezde kim uzaq qozǵalmai tura alady" dep bástesken bolyp shyqty.
"Oqýshylarmen jáne olardyń ata-analarymen profilaktikalyq áńgime júrgizilip, balalardyń qaýipsizdigin qamtamasyz etý boiynsha mindetterdi oryndamaǵany úshin zańdy ókilderi ákimshilik jaýapkershilikke tartyldy", dep habarlaidy Jambyl oblysy PD-nyń baspasóz qyzmeti.
