Jambyl oblysy Baizaq aýdanyndaǵy Jailaýtóbe qalashyǵynda júrgizilip jatqan arheologiialyq qazba jumystary kezinde ǵalymdar oljaǵa tap boldy, dep habarlaidy Dalanews.kz "Sedmoi kanal" telearnasyna siltep.
Telearna málimetinshe, myńnan asa keramika synyǵy, súiekten jasalǵan jebe ushtary, diirmen tastary men esik ilmekteri tabylǵan. Arheologiialyq barlaý kezinde 200-den asa qorǵan anyqtalyp, qazba jumystary barysynda bekinis qabyrǵasy tabylǵan. Onyń eni - 4 metr, biiktigi - 5 metr.
"Súiek, keramika synyqtaryn saraptamaǵa jiberemiz. Olardy eń tómengi qabattan aldyq. Qamaldy naqtyladyq", - dedi arheologiialyq institýttyń jetekshi ǵylymi qyzmetkeri Qýanysh Arynov.
Eske salaiyq, buǵan deiin Qyzylorda oblysynan dinozavrdyń súiegi tabyldy.
