Jambyl oblysynda eki aida mal urlyǵy 28,8 paiyzǵa tómendegen
– Jergilikti politsiia qyzmetiniń qurylǵanyna bir jyldan asty. Osy ýaqyt ishinde Jergilikti politsiia qyzmetimen bir qatar is-sharalar atqaryldy. Nátijesinde, 2015 jylmen salystyrǵanda 2016 jyly tirkelgen qylmystar sany 16 535-ten 15 086-ǵa iaǵni 8,8 paiyzǵa tómendegen. Onyń ishinde aýyr jáne asa aýyr qylmystar – 9,9 paiyzǵa, aýyrlyǵy ortasha qylmystar – 5,1 paiyzǵa jáne onsha aýyr emes qylmystar – 28,1 paiyzǵa tómendegen. Sondai-aq, kóshede jasalǵan qylmystar da 6,5 paiyzǵa tómendendegen Jergilikti politsiia qyzmetiniń bastyǵy alǵa tartty.
Negizi joǵarydaǵy kórsetkishterge keshendi jedel-profilaktikalyq is-sharalardy ótkizý arqasynda qol jetkizilgen. Atap aitqanda, "Ýchaske", "Quqyqtyq tártip", "Stop – kraja", "Esepke alý", "Jasóspirim", "Otbasy jáne mektep", "Qaýipsiz jol", "Kórshiler baqylaýy" syndy is-sharalar qylmystyń aldyn alýǵa kóp kómegin tigizgen. Aldaǵy ýaqytta mundai is-sharalar legi jalǵasyn tabatyn bolady.
Jalpy, profilaktikalyq jumystardyń negizgi tetikteriniń biri ákimshilik is júrgizý bolyp tabylady. Onyń kólemi búgingi kúni birneshe ese joǵarylaǵan. Mysaly, 2015 jyly 154 345 ákimshilik quqyq buzýshylyq anyqtalsa, 2016 jyly 166 470 ákimshilik quqyq buzýshylyq anyqtaldy. Nátijesinde, zańdy buzǵan azamattarǵa 1 milliard 58 million 996 myń teńge aiyppul salynyp, onyń 416 million 259 myń teńgesi óndirilip alyndy. Al, aiyppul tólemegen azamattarmen kúndelikti arnaiy jumystar júrgizilýde.
Qazirgi ýaqytta aýyl turǵyndarynyń basym kópshiligi mal sharýashylyǵymen ainalysady. Biraq, oblysymyzda mal urlyǵy faktisi oryn alyp jatady. Osyǵan orai Jergilikti politsiia qyzmeti mal urlyǵyn aldyn alý maqsatynda 2016 jyldyń qyrkúiek aiynda Jambyl oblysy IID Kriminaldyq politsiia basqarmasymen jáne oblysqa qarasty barlyq aýdan ákimdikterimen azamattardyń jeke maldarynyń qoldy bolyp ketýiniń aldyn alýǵa bailanysty keńester ótkizgen.
Atalǵan keńeske aýyldyq okrýg ákimderi, aýdandyq máslihat depýtattary, qoǵamdyq keńes ókilderi, iri sharýashylyq ieleri shaqyrylyp, pikirleri qaraldy. Keńes qorytyndysy boiynsha, 2016-2017 jyldarǵa arnalǵan mal urlyǵy derekterin aldyn alýǵa arnalǵan kontsepsiia daiyndalyp, ol oblys ákimimen bekitilgen.
Atalǵan jospar talabyn oryndaýda Jergilikti politsiia qyzmeti apparatymen azamattardyń maldaryn júieli túrde baǵýǵa, azamattarmen, aýyldyq okrýg ákimderimen jáne ýchaskelik politsiia inspektorlary tarapynan 3 jaqty kelisim-shart jobasy daiyndalyp, jumystar júrgizilýde. Atqarylǵan jumystar nátijesinde, 2016 jyly mal urlyǵy deregi –12,4%, 808 den 708 jáne aǵymdaǵy jyldyń 2 ailyq qorytyndysymen – 28,8%, 163 ten 116 derekke tómendegen.
Oblys ákiminiń baspasóz qyzmeti
