Merki aýdanynyń prokýratýrasy un tartý zaýytyn soǵýdy josparlaǵan investordyń quqyǵyn qorǵady, dep habarlaidy Dalanews.kz.
Merki aýdanynyń prokýratýrasy investorǵa un tartý zaýytyn iske qosýdy qamtamasyz etetin, dándi daqyldardy sebý úshin jer ýchaskesin bólý máselesin sheshti, dep málimdedi Jambyl oblysynyń prokýratýrasy.
«MerAgro Holding» JShS-gi Jambyl oblysy ákiminiń 2021 jylǵy 12 mamyrdaǵy №108 qaýlysynyń negizinde qýaty 3000 tonna un óndirý zaýytyn salý úshin investitsiialyq joba retinde tanylyp, oblystyń kásipkerlikti qoldaý kartasyna engizilgen. Osy jobany júzege asyrý sheńberinde asyl tuqymdy iri qara mal ósirý de josparlanyp otyr. Bul investitsiialardy tartýǵa jáne 40-tan astam jańa jumys ornyn ashýǵa múmkindik beredi, – dep qosty vedomstvo.
Un óndirý zaýytynyń qurylysyn 2024 jyldyń sońynda aiaqtaý josparlanǵan. Osyǵan orai, investor zaýytty iske qosý úshin dándi daqyl egýge jer ýchaskeleri qajettigin kórsetip, Merki aýdany ákimdigine aýyl sharýashylyq maqsattaǵy jer surap, 2021 jylǵy berilgen ótinishine jaýap almai júrgendigi týraly shaǵymdanǵan.
Aýdan prokýratýrasy taldaý barysynda jergilikti atqarýshy organnyń búginge deiin atalǵan ótinishti qaramai, tiisti jaýap bermegenin anyqtady.
Prokýratýranyń aralasýynan keiin investor talaptary qanaǵattandyrylyp, 2024 jylǵy 31 qazanda 200 gektar aýyl sharýashylyq maqsattaǵy jer rásimdelip, onyń buzylǵan quqyǵy qalpyna keltirildi.
