Jambyl oblysynda 22 bala ýlanyp, aýrýhanaǵa jetkizildi. 12 men 17 aralyǵyndaǵy jasóspirimder Qyzylorda oblysynan kúres boiynsha oqý-jattyǵý jiynyna qatysý úshin kelgen. Aldyn ala diagnoz anyqtalmaǵan etiologiiadaǵy gastroenterit, dep habarlady óńir ákimdigi, dep habarlaidy Dalanews.kz.
Aýrýdyń sebebin anyqtaý maqsatynda zardap shekken balalardan jáne tutynǵan taǵam ónimderinen zerthanalyq synamalar alynǵan. Qazirgi tańda oblystyq sanitariialyq-epidemiologiialyq baqylaý departamenti tekserý jumystaryn júrgizip jatyr.
Balalardyń meditsinalyq mekemege jetkizilgeni týraly derek jergilikti politsiia departamentinde tirkelgen.
Oblys ákimi Erbol Qarashókeevtiń tapsyrmasymen ákim orynbasarlary Aijan Esmaǵambetova men Serik Sálemov oqiǵa ornyna baryp, jedel shtabtyń shuǵyl otyrysyn ótkizdi.
Qazirgi ýaqytta jasóspirimder dárigerlerdiń baqylaýynda, barlyǵynyń jaǵdaiy turaqty.
Al oqý-jattyǵý jiynyna qatysqan ózge adamdar — 103 bala men 13 jattyqtyrýshy tolyq meditsinalyq tekserýden ótken, olardyń eshqaisysynan aýrý belgileri anyqtalǵan joq.
