جامبىل وبلىسىندا 22 بالا ۋلانىپ, اۋرۋحاناعا جەتكٸزٸلدٸ. 12 مەن 17 ارالىعىنداعى جاسٶسپٸرٸمدەر قىزىلوردا وبلىسىنان كٷرەس بويىنشا وقۋ-جاتتىعۋ جيىنىنا قاتىسۋ ٷشٸن كەلگەن. الدىن الا دياگنوز انىقتالماعان ەتيولوگيياداعى گاستروەنتەريت, دەپ حابارلادى ٶڭٸر ەكٸمدٸگٸ, دەپ حابارلايدى Dalanews.kz.
اۋرۋدىڭ سەبەبٸن انىقتاۋ ماقساتىندا زارداپ شەككەن بالالاردان جەنە تۇتىنعان تاعام ٶنٸمدەرٸنەن زەرتحانالىق سىنامالار الىنعان. قازٸرگٸ تاڭدا وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸ تەكسەرۋ جۇمىستارىن جٷرگٸزٸپ جاتىر.
بالالاردىڭ مەديتسينالىق مەكەمەگە جەتكٸزٸلگەنٸ تۋرالى دەرەك جەرگٸلٸكتٸ پوليتسييا دەپارتامەنتٸندە تٸركەلگەن.
وبلىس ەكٸمٸ ەربول قاراشٶكەەۆتٸڭ تاپسىرماسىمەن ەكٸم ورىنباسارلارى ايجان ەسماعامبەتوۆا مەن سەرٸك سەلەموۆ وقيعا ورنىنا بارىپ, جەدەل شتابتىڭ شۇعىل وتىرىسىن ٶتكٸزدٸ.
قازٸرگٸ ۋاقىتتا جاسٶسپٸرٸمدەر دەرٸگەرلەردٸڭ باقىلاۋىندا, بارلىعىنىڭ جاعدايى تۇراقتى.
ال وقۋ-جاتتىعۋ جيىنىنا قاتىسقان ٶزگە ادامدار — 103 بالا مەن 13 جاتتىقتىرۋشى تولىق مەديتسينالىق تەكسەرۋدەن ٶتكەن, ولاردىڭ ەشقايسىسىنان اۋرۋ بەلگٸلەرٸ انىقتالعان جوق.
