Qazaqstanda eń kóp suranysqa ıe mamandyq belgili boldy, dep habarlaıdy Dalanews.kz.
Qazaqstandyq eńbek naryǵynda 2025 jyly eń kóp suranysqa ıe mamandyqtardyń kóshin satýshylar men kasırler bastady. Bul týraly OLX analıtıkalyq qyzmeti habarlady.
Sarapshylardyń deregine sáıkes, bir jyl ishinde 7974 satýshy vakansıasy jarıalanyp, olarǵa 652 424 adam ótinish bergen. Bul jumys oryndaryna usynylǵan ortasha jalaqy 150 myńnan 245 myń teńgege deıin jetedi.
Satýshylardan keıingi suranysqa ıe mamandyqtar:
- Satýshy-keńesshi – 3481 vakansıa, 219 384 adamnan ótinish túsken. Jalaqysy - 170–275 myń teńge aralyǵynda.
- Saýda ókilderi – 2773 vakansıa. Jalaqy: 250–400 myń teńge.
- Kasırler – 2035 vakansıa. Jalaqy: 155–225 myń teńge.
- Satý menejerleri – 3743 vakansıa. Jalaqy: 225–447 874 teńge.
Sarapshylar qazirgi satýshy-keńesshi mamandyǵy burynǵydan aıtarlyqtaı ózgergenin atap ótti. Buryn tek taýar satý men klıentke keńes berý mindeti júktelse, qazir CRM-júıelerdi qoldaný, onlaın tapsyrystarmen jumys isteý, messendjerler arqyly keńes berý daǵdylary da talap etiledi.
Jumys berýshiler ásirese analıtıkalyq oılaý qabileti, komýnıkasıa daǵdylary jáne naryqtyń ózgeristerine beıimdele bilý qasıetterin joǵary baǵalaıdy.
Sarapshylardyń pikirinshe, satyp alý ádetteriniń ózgerýi men tehnologıalyq prosesterdiń damýy satýshylar men satý salasyndaǵy mamandardyń rólin qaıta qarastyrýǵa májbúr etýde. Onlaın-saýdanyń ósýi bul mamandyqtardyń tek dúkenderde ǵana emes, sıfrlyq platformalarda da suranysqa ıe bolýyna yqpal etedi.
