قازاقستاندا ەڭ كوپ سۇرانىسقا يە ماماندىق بەلگىلى بولدى، دەپ حابارلايدى Dalanews.kz.
قازاقستاندىق ەڭبەك نارىعىندا 2025 جىلى ەڭ كوپ سۇرانىسقا يە ماماندىقتاردىڭ كوشىن ساتۋشىلار مەن كاسسيرلەر باستادى. بۇل تۋرالى OLX اناليتيكالىق قىزمەتى حابارلادى.
ساراپشىلاردىڭ دەرەگىنە سايكەس، ءبىر جىل ىشىندە 7974 ساتۋشى ۆاكانسياسى جاريالانىپ، ولارعا 652 424 ادام ءوتىنىش بەرگەن. بۇل جۇمىس ورىندارىنا ۇسىنىلعان ورتاشا جالاقى 150 مىڭنان 245 مىڭ تەڭگەگە دەيىن جەتەدى.
ساتۋشىلاردان كەيىنگى سۇرانىسقا يە ماماندىقتار:
- ساتۋشى-كەڭەسشى – 3481 ۆاكانسيا، 219 384 ادامنان ءوتىنىش تۇسكەن. جالاقىسى - 170–275 مىڭ تەڭگە ارالىعىندا.
- ساۋدا وكىلدەرى – 2773 ۆاكانسيا. جالاقى: 250–400 مىڭ تەڭگە.
- كاسسيرلەر – 2035 ۆاكانسيا. جالاقى: 155–225 مىڭ تەڭگە.
- ساتۋ مەنەدجەرلەرى – 3743 ۆاكانسيا. جالاقى: 225–447 874 تەڭگە.
ساراپشىلار قازىرگى ساتۋشى-كەڭەسشى ماماندىعى بۇرىنعىدان ايتارلىقتاي وزگەرگەنىن اتاپ ءوتتى. بۇرىن تەك تاۋار ساتۋ مەن كليەنتكە كەڭەس بەرۋ مىندەتى جۇكتەلسە، ءقازىر CRM-جۇيەلەردى قولدانۋ، ونلاين تاپسىرىستارمەن جۇمىس ىستەۋ، مەسسەندجەرلەر ارقىلى كەڭەس بەرۋ داعدىلارى دا تالاپ ەتىلەدى.
جۇمىس بەرۋشىلەر اسىرەسە اناليتيكالىق ويلاۋ قابىلەتى، كوممۋنيكاسيا داعدىلارى جانە نارىقتىڭ وزگەرىستەرىنە بەيىمدەلە ءبىلۋ قاسيەتتەرىن جوعارى باعالايدى.
ساراپشىلاردىڭ پىكىرىنشە، ساتىپ الۋ ادەتتەرىنىڭ وزگەرۋى مەن تەحنولوگيالىق پروسەستەردىڭ دامۋى ساتۋشىلار مەن ساتۋ سالاسىنداعى مامانداردىڭ ءرولىن قايتا قاراستىرۋعا ءماجبۇر ەتۋدە. ونلاين-ساۋدانىڭ ءوسۋى بۇل ماماندىقتاردىڭ تەك دۇكەندەردە عانا ەمەس، سيفرلىق پلاتفورمالاردا دا سۇرانىسقا يە بولۋىنا ىقپال ەتەدى.
