QR Qorǵanys ministriniń birinshi orynbasary – Qarýly Kúshteri Bas shtabynyń basshysy Sultan Qamaletdinov Májilis zalynda saladaǵy problemalardy kóterdi, dep habarlaidy Dalanews.kz
Onyń sózine qaraǵanda, elimizdiń qorǵanys salasynda problema jeterlik. Al bular shuǵyl ári naqty kelisilgen sharalardy talap etedi.
Bul rette, depýtattardyń qoldaýyna kóbirek úmit artamyz. Áskeri qyzmetkerlerdiń áskerden ketýi úrdisi baiqalyp otyr. Jyl saiyn ásker qatarynan ketip jatqandar sany jiilep keledi. Tek 2020-2023 jyldar aralyǵynda Qarýly Kúshter qatarynan 17 065 áskeri qyzmetshi shyǵarylsa, onyń 4 301-i ofitserler, 12 764-i kelisimshartpen júrgender. Bul shamamen 15 mehanikalandyrylǵan brigadanyń sanyna teń, - dedi Sultan Qamaletdinov.
Qorǵanys ministrligi jaýapty ókiliniń málimetinshe, qazirgi kezde armiiany áskeri qyzmetkerlermen jasaqtaý sharasy qyzmetten ketken kásibi daiarlanǵan kadrlardyń ornyn tiisti deńgeide toltyra almai jatyr.
Atalǵan kezeńde Qarýly Kúshter qataryna 14 311 áskeri qyzmetshi qosyldy. Munyń bir sebebi - salystyrmaly túrde alǵanda jalaqy deńgeii tómen, - dedi Qorǵanys ministriniń birinshi orynbasary.
