ق ر قورعانىس ءمينيسترىنىڭ ءبىرىنشى ورىنباسارى – قارۋلى كۇشتەرى باس شتابىنىڭ باسشىسى سۇلتان قامالەتدينوۆ ءماجىلىس زالىندا سالاداعى پروبلەمالاردى كوتەردى، دەپ حابارلايدى Dalanews.kz
ونىڭ سوزىنە قاراعاندا، ەلىمىزدىڭ قورعانىس سالاسىندا پروبلەما جەتەرلىك. ال بۇلار شۇعىل ءارى ناقتى كەلىسىلگەن شارالاردى تالاپ ەتەدى.
بۇل رەتتە، دەپۋتاتتاردىڭ قولداۋىنا كوبىرەك ءۇمىت ارتامىز. اسكەري قىزمەتكەرلەردىڭ اسكەردەن كەتۋى ءۇردىسى بايقالىپ وتىر. جىل سايىن اسكەر قاتارىنان كەتىپ جاتقاندار سانى جيىلەپ كەلەدى. تەك 2020-2023 جىلدار ارالىعىندا قارۋلى كۇشتەر قاتارىنان 17 065 اسكەري قىزمەتشى شىعارىلسا، ونىڭ 4 301ء-ى وفيسەرلەر، 12 764ء-ى كەلىسىمشارتپەن جۇرگەندەر. بۇل شامامەن 15 مەحانيكالاندىرىلعان بريگادانىڭ سانىنا تەڭ، - دەدى سۇلتان قامالەتدينوۆ.
قورعانىس مينيسترلىگى جاۋاپتى وكىلىنىڭ مالىمەتىنشە، قازىرگى كەزدە ارميانى اسكەري قىزمەتكەرلەرمەن جاساقتاۋ شاراسى قىزمەتتەن كەتكەن كاسىبي دايارلانعان كادرلاردىڭ ورنىن ءتيىستى دەڭگەيدە تولتىرا الماي جاتىر.
اتالعان كەزەڭدە قارۋلى كۇشتەر قاتارىنا 14 311 اسكەري قىزمەتشى قوسىلدى. مۇنىڭ ءبىر سەبەبى - سالىستىرمالى تۇردە العاندا جالاقى دەڭگەيى تومەن، - دەدى قورعانىس ءمينيسترىنىڭ ءبىرىنشى ورىنباسارى.
