Qazaqstanda Venchýrlyq investitsiialar qorlary qory qurylmaq. Onyń aiasynda ortamerzimdi perspektivada 1 mlrd dollar jeke investitsiialardy tartý josparlanyp otyr, dep jazady Dalanews.kz.
Búgin Úkimet basshysy Oljas Bektenov venchýrlyq qarjylandyrý salasyndaǵy jetekshi sarapshylar, qazaqstandyq biznes-qoǵamdastyq ókilderi jáne halyqaralyq áriptestermen kezdesý ótkizdi. Talqylaýdyń basty taqyryby jahandyq kapitaldy tartýǵa, startap-ekojúieni damytýǵa jáne Qazaqstannyń óńirlik tehnologiialar men innovatsiialar ortalyǵy retindegi ustanymyn nyǵaitýǵa baǵyttalǵan Venchýrlyq investitsiialar qorlary qoryn qurý boldy, dep jazady Úkimet basshysynyń baspasóz qyzmeti.
Dialogqa shaqyrylǵan Stenford ýniversitetiniń professory jáne venchýrlyq investitsiia boiynsha tanymal sarapshy Ilia Strebýlaev, Andreessen Horowitz seriktesi Malika Aýbakirova jáne Lightspeed Venture Partners seriktesi Ǵalym Imanbaev, sondai-aq DCVC investitsiialar jónindegi direktory Anna Fokina innovatsiialardy damytýdaǵy óz tájiribelerimen bólisti.
Sarapshylar Qazaqstanǵa eleýli progreske qol jetkizý úshin álemdik jetekshi venchýrlyq investitsiialar qorlarymen yntymaqtastyqty nyǵaitý mańyzdy ekenin atap ótti, bul investitsiialardy basqarýdyń ozyq tehnologiialary men ozyq tájiribelerine qol jetkizýdi qamtamasyz etýge múmkindik beredi. Olar jahandyq kapitaldy tartý úshin quqyqtyq infraqurylymdy nyǵaityp, startaptardy damytýdyń keiingi kezeńderinde qoldaýǵa jaǵdai jasaý qajettigin atap ótti.
Tsifrlyq damý, innovatsiialar jáne aeroǵarysh ónerkásibi ministri Jaslan Mádiev Qazaqstan óńirdiń barlyq venchýrlyq mámileleriniń 70%-dan astamyn qamtamasyz etip, Ortalyq Aziiada kóshbasshylyq ustanymdy ielenip otyrǵanyn atap ótti. Sońǵy bes jylda elimizdegi venchýrlyq kapital kólemi alty eseden astam ósip, 80 mln dollarǵa jetti.
Qordyń qurylýy Qazaqstannyń investitsiialar men tehnologiialardyń halyqaralyq ekojúiesine integratsiialanýyna baǵyttalǵan eldiń venchýrlyq kapital naryǵyn damytýdyń jańa kezeńin bildiredi.
Venchýrlyq investitsiialar qorlary qory orta merzimdi perspektivada jetekshi álemdik, óńirlik jáne qazaqstandyq venchýrlyq qorlarǵa baǵyttalatyn 1 mlrd dollar jeke investitsiialardy tartýǵa baǵyttalǵan. Bul tiimdi ártaraptandyrýdy, ekonomikany transformatsiialaý úshin qajetti jahandyq quzyretter men asa mańyzdy tehnologiialarǵa barynsha qol jetkizýdi qamtamasyz etýge múmkindik beredi. Búgingi tańda qordyń bastapqy kapitalyn qalyptastyrýǵa qazaqstandyq iri biznes ókilderinen 100 mln dollardan astam somaǵa ótinimder jinaldy.
Qor jumysynda jasandy intellekt, tsifrlyq densaýlyq saqtaý jáne basqa da negizgi tehnologiialyq salalardy qosqanda, perspektivaly baǵyttarǵa erekshe nazar aýdarylatyn bolady. 2030 jylǵa qarai álemdik jasandy intellekt naryǵy 827 mlrd dollarǵa deiin ósedi dep boljanýda, bul salany investitsiialar úshin basym baǵyttardyń birine ainaldyrady.
Premer-ministr Oljas Bektenov Venchýrlyq investitsiialar qorlary qoryn qurý ozyq tehnologiialarǵa qoljetimdilikti ashyp qana qoimai, Qazaqstannyń halyqaralyq startaptar men tehnologiialar haby retindegi ustanymyn nyǵaitady dep atap ótti.
"Prezident Qasym-Jomart Toqaev atap ótkendei, biz bilim men innovatsiiaǵa negizdelgen ekonomika quryp jatyrmyz. Búginde Qazaqstanda IT sektory belsendi damyp keledi, tsifrlyq qyzmetter eksporty artyp, jas mamandar el ishinde de, shetelde de suranysqa ie bolyp otyr. Bizdiń basty mindetimiz – ózimizdiń talanttarymyzdy saqtap qalýǵa jáne jańa daryndardy tartýǵa jaǵdai jasaý, startaptardy damytýdyń barlyq kezeńinde qoldaý jáne Qazaqstanǵa jahandyq quzyretterdi tartý", — dep atap ótti Oljas Bektenov.
