Dúniejúzilik banktiń sáýir aiynda jariialanǵan "Jahandyq ekonomikalyq perspektivalar" atty baiandamasynda 2025 jyly Qazaqstannyń JIÓ ósimi 4,5%, 2026 jyly 3,6% bolatyny boljanady. Osylaisha álemdik qarjy institýty Qazaqstan ekonomikasy ósimin tómendetý turǵysynda qaita qarastyrǵan, dep habarlaidy Dalanews.kz Interfaks-Qazaqstanǵa silteme jasap.
Aita ketsek, qańtar aiyndaǵy boljamda 2025 jylǵa arnalǵan bul kórsetkish 4,7%, al 2026 jylǵysy 3,5% deńgeiinde sipat alǵan. Sondai-aq Dúniejúzilik banktiń baǵalaýy boiynsha, 2024 jyly elimizdiń JIÓ ósimi 4,8%-dy qurap, 2023 jylǵy 5,1%-ben salystyrǵanda tómen deńgeide qalyptasqan.
11 sáýirde Qazaqstan prezidenti Qasym-Jomart Toqaev 2025 jylǵy qańtar-naýryz ailarynda Qazaqstannyń JIÓ ósimi 5,8% quraǵanyn málimdegen. Ulttyq Banki 2025-2026 jyldary ekonomika ósimi 4,2-5,2% deńgeiinde qalyptasady dep boljaidy. Al Aziia Damý Banki (ADB) sáýir aiyndaǵy sholýda óziniń bul turǵydaǵy boljamyn tómendetý turǵysynda qaira qarady: 2025 jyly - 4,9% (2024 jylǵy qyrkúiekte bul kórsetkishti 5,1% bolady dep bergen), 2026 jyly - 4,1%. Halyqaralyq valiýta qory (HVQ) sáýir aiyndaǵy sholýda 2025 jyly qazaqstandyq JIÓ ósimin 5,5%-dan 4,9%-ǵa deiin tómendetý, al 2026 jylǵa 4,1%-dan 4,3%-ǵa deiin kóterý turǵysynda qaita qarady. 2025 jylǵy qańtar-aqpanda Qazaqstannyń JIÓ ósimi 5,4% qurady. Taýarlar óndirisi men qyzmet kórsetý sektorynda qarqyndy dinamika baiqaldy. Bul rette BCC Invest sarapshylary Qazaqstan ekonomikasynda "qyzyp ketý" jáne qurylymdyq tepe-teńdiktiń buzylýy sekildi qaýip belgiler baryn eskertti.
