ҚР Ұлттық Банк сарапшылар қауымдастығы арасында жүргізілген кезекті макроэкономикалық сауалнаманың нәтижесі жарияланды. Онда сарапшылар Қазақстан экономикасының өсіміне қатысты болжамды нашарлата отырып, қайта қарастырған. 2025 жылғы болжамды көрсеткіш 4,9%-дан 4,7%-ға, ал 2027 жылғысы 4,5%-дан 4,3%-ға төмендетілген, деп хабарлайды Dalanews.kz.

Сауалнамаға Brent маркалы мұнайдың бағасы, ЖІӨ, инфляция, базалық мөлшерлеме, тауарлар мен қызметтердің экспорты және импорты, сондай-ақ теңге бағамы сауалнаманың негізгі өлшемемдері ретінде қарастырылды.

Мұнай және ЖІӨ

Brent маркалы мұнайдың 2025 және 2026 жылдарға арналған бағасы бойынша болжамдар 1 баррель үшін тиісінше 75,0 және 72,0 АҚШ доллар деңгейінде алдыңғы бажайланған күйінде қалып отыр. 2027 жылда бір баррель құны  72,5 АҚШ долларға дейін сәл жоғарыға қарай біршама өзгерді.

2025 және 2027 жылдардағы Қазақстан экономикасының өсіміне қатысты болжам көрсеткіштері төмендетілді. 2025 жылға арналған болжамда көрсеткіш 4,9%-тен 4,7%-ке, ал 2027 жылы 4,5%-тен 4,3%-ке дейін төмендетіле отырып, қайта қаралды. 2026 жылы күтілетін болжам 4,5% деңгейінде сақталды.

Инфляция мен базалық мөлшерлеме

Инфляция бойынша болжамдар барлық болжамдық кезеңде төмендетіле отырып, нашарлаған. 2025 жылға арналған респонденттердің медианалық бағалауы 8,7%-тен 10,6%-ке, 2026 жылы 7,0%-тен 9,0%-ке, ал 2027 жылы 5,8%-тен 6,1%-ке дейін көтерілді.

"Инфляцияға қатысты болжам өзгергендіктен, сарапшылардың 2025-2027 жылдарға арналған базалық мөлшерлеме бойынша күтулері де жоғары деңгейде қалыптасып отыр. Енді базалық мөлшерлеменің бағалауы бұрынғыдай жылдық орташа мәнмен емес, жыл соңындағы деңгеймен ұсынылатынын атап өткен жөн. 2025 жылдың соңына арналған болжамдардың медианалық мәні – 15,9%, 2026 жылға – 14,3%, ал 2027 жылға – 11,5%", - дейді Ұлттық Банк.

Сауалнамаға Қазақстан бойынша макроэкономикалық көрсеткіштерді талдаумен және болжаумен айналысатын 16 ұйым қатысты. Респонденттердің қатарына нарықтың кәсіби қатысушылары, зерттеу институттары, халықаралық ұйымдар мен рейтингтік агенттіктер кіретінін еске сала кетелік.

Бұған дейін Bank of America еліміздің қаржы нарығына қатысты болжамын жариялаған болатын.