Taldyqorǵan turǵyny úsh jasar qyzyn aiaýsyz urdy degen kúdikke ilindi. Áleýmettik jelide jantúrshigerlik video tarap ketti, dep habarlaidy Dalanews.kz.
2 aqpanda saǵat 21:00-de 102 arnasyna meditsinalyq mekemeden úsh jasar bala zorlyq-zombylyq belgileri bar dene jaraqattarymen jetkizilgeni týraly habarlama túsken.
Bul derek boiynsha "Densaýlyqqa qasaqana aýyr ziian keltirý" babymen qylmystyq is qozǵaldy.
Politsiia qyzmetkerleri balanyń ákesin turǵylyqty mekenjaiy boiynsha masań kúide ustap, ýaqytsha ustaý izoliatoryna qamaǵan.
"Qazir anasy balamen birge meditsinalyq mekemede, jábirlenýshi balaǵa meditsinalyq kómek kórsetilip jatyr", - dedi politsiia.
Oqiǵanyń mán-jaiyn jan-jaqty anyqtaýǵa baǵyttalǵan tergeý jáne protsessýaldyq is-sharalar kesheni júrgizilip jatyr. Sotqa deiingi tergep-tekserý barysy Politsiia departamenti basshylyǵynyń jeke baqylaýynda.
