تالدىقورعان تۇرعىنى ءۇش جاسار قىزىن اياۋسىز ۇردى دەگەن كۇدىككە ءىلىندى. الەۋمەتتىك جەلىدە جانتۇرشىگەرلىك ۆيدەو تاراپ كەتتى، دەپ حابارلايدى Dalanews.kz.
2 اقپاندا ساعات 21:00-دە 102 ارناسىنا مەديسينالىق مەكەمەدەن ءۇش جاسار بالا زورلىق-زومبىلىق بەلگىلەرى بار دەنە جاراقاتتارىمەن جەتكىزىلگەنى تۋرالى حابارلاما تۇسكەن.
بۇل دەرەك بويىنشا "دەنساۋلىققا قاساقانا اۋىر زيان كەلتىرۋ" بابىمەن قىلمىستىق ءىس قوزعالدى.
پوليسيا قىزمەتكەرلەرى بالانىڭ اكەسىن تۇرعىلىقتى مەكەنجايى بويىنشا ماساڭ كۇيدە ۇستاپ، ۋاقىتشا ۇستاۋ يزولياتورىنا قاماعان.
"ءقازىر اناسى بالامەن بىرگە مەديسينالىق مەكەمەدە، جابىرلەنۋشى بالاعا مەديسينالىق كومەك كورسەتىلىپ جاتىر"، - دەدى پوليسيا.
وقيعانىڭ ءمان-جايىن جان-جاقتى انىقتاۋعا باعىتتالعان تەرگەۋ جانە پروسەسسۋالدىق ءىس-شارالار كەشەنى جۇرگىزىلىپ جاتىر. سوتقا دەيىنگى تەرگەپ-تەكسەرۋ بارىسى پوليسيا دەپارتامەنتى باسشىلىعىنىڭ جەكە باقىلاۋىندا.
