Ishki ister ministriniń orynbasary Sanjar Ádilov Atyraý oblysynda joǵalǵan otbasyǵa qatysty jańa derekti aitty, dep habarlaidy Dalanews.kz.
Sanjar Ádilovtiń aitýynsha, bul is boiynsha kúdiktiler Indoneziia aýmaǵynda ustalǵan. Onyń sózinshe, qazaqstandyq politseiler Interpol jáne Indoneziia quqyq qorǵaý organdarymen birlesip, aýqymdy jumys júrgizgen.
"Jaqyn ýaqytta olardy Qazaqstanǵa jetkizý josparlanyp otyr. Ekstraditsiialaý jáne elge qaitarý máselesi sheshilip jatyr", - dedi vedomstvo ókili.
Ministrlik málimetinshe, erli-zaiypty bul is boiynsha kúdikti mártebesine ie. Al iz-túzsiz ketken taǵy eki adamdy izdeý jalǵasyp jatyr. Atyraý oblysynda arnaiy tergeý jedel toby jumys istep jatqany aityldy.
Eske salaiyq, 24 aqpanda Ishki ister ministrliginiń qyzmetkerleri sheteldik áriptestermen ózara is-qimyl nátijesinde Indoneziia Respýblikasynyń Lombok aralyndaǵy Senarý aýylynda asa aýyr qylmys jasady degen kúdikke ilingen er adamdy ustaǵany habarlandy. Ol QR Qylmystyq kodeksiniń 99-baby 2-bóligi boiynsha kúdikke ilingen.
Onymen birge buǵan deiin habar-osharsyz ketti dep halyqaralyq izdeý jariialanǵan burynǵy jubaiy da anyqtalǵan.
