«Isker ustaz» respýblikalyq baiqaýy ótti
Joba qyrkúiek aiynda bastaý alǵan. Jobaǵa elimizdiń túkpir-túkpirinen 100 ustaz qatysty. Solardyń ishinen iriktelip, 50 ustaz aqtyq márege jetti.
Jobanyń qainar kózi Oqý-aǵartý ministri Ǵani Beisembaev 2023 jyldyń Tamyz keńesinde sóilegen sózinde «1000 kóshbasshy» kadrlyq rezerv jobasynan bastaldy. Osy joba aiasynda orta bilim berý uiymdaryndaǵy, kásiptik jáne tehnikalyq bilim berý uiymdaryndaǵy ustazdardyń jasaǵan jumystaryn kórsetip, atqarǵan igi isterin elge taratyp, kadrlyq rezerv quramyna kiretindei iskerligin kórsetý «Isker ustaz» respýblikalyq baiqaýynyń negizi maqsaty edi.
Sol maqsat jeteginde orta bilim berý uiymdarynyń ustazdaryna 2 kezeńnen turatyn baiqaý uiymdastyryldy. Baiqaý sharttary men talaptaryn naqty oryndaǵan 50 ustaz qorytyndy keshke shaqyryldy.
Saltanatty marapattaý keshine belgili ǵalym «Satylai keshendi oqytý» tehnologiiasynyń avtory p.ǵ.d., professor Nursha Orazahynova, «Akademiialyq jazylym» eńbeginiń avtory, ǵalym filologiia ǵylymdarynyń kandidaty Edilbai Ospanov, «Órleý» BAUO respýblikalyq kásibi damý institýtynyń aǵa oqytýshysy, p.ǵ.m., trener Saltanat Arzymbetova, Qazaq ulttyq qyzdar pedagogikalyq ýniversitetiniń aǵa oqytýshysy, p.ǵ.m. Sáýle Býlabaeva qatysty. Marapattaý keshine qatysqan ǵalymdar men ádiskerler qatysýshy ustazdardy merekesimen quttyqtap, úzdik tanylǵan ustazdarǵa «Isker ustaz» tósbelgisin tabystady. Sonymen qatar jeńimpaz atanǵan 1 muǵalimge Dýbaiǵa joldama berildi.
Is-sharany qorytyndylaǵan institýt direktory Baýyrjan Aitkarimov barlyq qatysýshylardy quttyqtap, 2024 jylǵy bolatyn «Isker ustaz» respýblikalyq baiqaýdyń budan da biik dárejede ótetinin atap ótti.
