«Yrys – órkendeý» – túrkistandyq sharýalardyń áleýetin arttyrady
Oblys ákimi Janseiit Túimebaevtyń tapsyrmasy aiasynda júzege asyrylyp jatqan joba boiynsha endi uiym fermerlerge avanstyq tólemsiz qarjylyq lizing túrinde qoldaý kórsetedi. Bul baǵdarlama Túrkistan oblysyndaǵy jer emgen sharýalardyń jumysyn jaqsarytyp, alǵa qoiǵan maqsattaryna qol jetkizýge járdemdesedi. Oblys basshysy óńirde aýyl sharýashylyǵy salasynyń áleýeti zor ekenin eskerip, mundai baǵdarlamalardyń ike asyrýǵa barynsha qoldaý kórsetip kele jatqanyn airyqsha atap aitýymyz kerek.
Baǵdarlamanyń ereksheligi jáne artyqshylyǵy – aýyl sharýashylyǵyna arnalǵan jańa tehnikalardy 9 paiyzben 84 aiǵa, iaǵni, 7 jylǵa 10 mln. teńgege deiin kepil múlkinsiz lizingke alýǵa múmkindiktiń bolýy. Osy baǵdarlama boiynsha kásipkerler aýylsharýashylyǵy maqsatyndaǵy jáne aýylsharýashylyǵy tehnikalaryna qajetti jabdyqtardy satyp ala alady. Munda aldyn-ala tólem retinde 25 paiyz investitsiialyq sýbsidiia tólenedi.
Lizingke Túrkistan oblysynda kásipkerlikpen ainalysatyn zańdy tulǵalar, sharýa qojalyqtar, jeke kásipkerler jáne aýyl sharýashylyǵy óndiristik kooperativteri qol jetkize alady.
«Yrys» MQU baspasóz qyzmeti
