«ىرىس – وركەندەۋ» – تۇركىستاندىق شارۋالاردىڭ الەۋەتىن ارتتىرادى

Dalanews 28 تام. 2018 03:37 716

«وڭتۇستىك» ايماقتىق ينۆەستيسيالىق ورتالىعىنىڭ ەنشىلەس ۇيىمى «ىرىس» ميكروقارجى ۇيىمى جاڭادان «ىرىس – وركەندەۋ» باعدارلاماسىن ىسكە قوستى.

وبلىس اكىمى جانسەيىت تۇيمەبايەۆتىڭ تاپسىرماسى اياسىندا جۇزەگە اسىرىلىپ جاتقان جوبا بويىنشا ەندى ۇيىم فەرمەرلەرگە اۆانستىق تولەمسىز قارجىلىق ليزينگ تۇرىندە قولداۋ كورسەتەدى. بۇل باعدارلاما تۇركىستان وبلىسىنداعى جەر ەمگەن شارۋالاردىڭ جۇمىسىن جاقسارىتىپ، العا قويعان ماقساتتارىنا قول جەتكىزۋگە جاردەمدەسەدى. وبلىس باسشىسى وڭىردە اۋىل شارۋاشىلىعى سالاسىنىڭ الەۋەتى زور ەكەنىن ەسكەرىپ، مۇنداي باعدارلامالاردىڭ ىكە اسىرۋعا بارىنشا قولداۋ كورسەتىپ كەلە جاتقانىن ايرىقشا اتاپ ايتۋىمىز كەرەك.

باعدارلامانىڭ ەرەكشەلىگى جانە ارتىقشىلىعى – اۋىل شارۋاشىلىعىنا ارنالعان جاڭا تەحنيكالاردى 9 پايىزبەن 84 ايعا، ياعني، 7 جىلعا 10 ملن. تەڭگەگە دەيىن كەپىل مۇلكىنسىز ليزينگكە الۋعا مۇمكىندىكتىڭ بولۋى. وسى باعدارلاما بويىنشا كاسىپكەرلەر اۋىلشارۋاشىلىعى ماقساتىنداعى جانە اۋىلشارۋاشىلىعى تەحنيكالارىنا قاجەتتى جابدىقتاردى ساتىپ الا الادى. مۇندا الدىن-الا تولەم رەتىندە 25 پايىز ينۆەستيسيالىق سۋبسيديا تولەنەدى.

ليزينگكە تۇركىستان وبلىسىندا كاسىپكەرلىكپەن اينالىساتىن زاڭدى تۇلعالار، شارۋا قوجالىقتار، جەكە كاسىپكەرلەر جانە اۋىل شارۋاشىلىعى وندىرىستىك كووپەراتيۆتەرى قول جەتكىزە الادى.

 

«ىرىس» مقۇ باسپا ءسوز قىزمەتى

ۇسىنىلعان
سوڭعى جاڭالىقتار