Sonaý 2021 jyly Almaty Mádeniet basqarmasy Ybyrai Altynsarin eskertkishin salýǵa 68 million 750 myń teńge bólgen. Biraq paida bolǵan músin tehnikalyq sharttarda kórsetilgen parametrlerge sáikes kelmeidi.
Budan keiin «Ádildik joly» respýblikalyq qoǵamdyq birlestiginiń direktory Baýyrjan Maqulbaev dabyl qaqqan. Ol eskertkishti salýǵa bólingen qarjy basqa maqsatqa jumsalyp jatyr dep kúdiktengen.
«Aǵymdaǵy jyldyń 20 naýryzynda bizde Sot saraptamasy ortalyǵynyń qorytyndysy boiynsha eskertkishtiń kólemi jaǵynan kishirek jáne metaldyń quramy qola emes, jez bolyp shyqty jáne korroziiaǵa ushyrap jatyr. Mamandardyń qorytyndysy boiynsha keltirilgen shyǵyn 68,7 mln teńgeni qurap otyr», - dep jazdy Maqulbaev búgin Facebook paraqshasynda.
Ol Almaty qalasy Mádeniet basqarmasynyń qyzmetkerleri men JShS basshylyǵyna qatysty QR Qylmystyq kodeksiniń 189-baby tórtinshi bóliginiń ekinshi tarmaǵy (QR QK-niń ysyrap etý nemese jymqyrý) boiynsha sotqa deiingi tergeý bastalǵanyn túsindirdi. .
«Eske salaiyn, biz úlken kúsh jumsap, eskertkishti zertteýge Mádeniet basqarmasy basshylyǵynyń kelisimin aldyq. Olardyń nege sonsha qarsylyq kórsetkenin boljaý qiyn emes. Endi nátijesin kútemiz!» – dep túiindedi Maqulbaev.
Ybyrai Altynsarin (1841-1889) – qazaq aǵartýshysy, jazýshy, folklorshy, qoǵam qairatkeri, etnograf jáne qazaq oqýlyqtarynyń avtory.
