الماتى قالالىق مادەنيەت باسقارماسىنىڭ قىزمەتكەرلەرى قارجى جىمقىردى دەگەن كۇدىككە ءىلىندى. ولار ىبىراي ءالتىنساريننىڭ ەسكەرتكىشىن تۇرعىزۋ كەزىندە اقشا جىمقىرعان.

سوناۋ 2021 جىلى الماتى مادەنيەت باسقارماسى ىبىراي التىنسارين ەسكەرتكىشىن سالۋعا 68 ميلليون 750 مىڭ تەڭگە بولگەن. ءبىراق پايدا بولعان ءمۇسىن تەحنيكالىق شارتتاردا كورسەتىلگەن پارامەترلەرگە سايكەس كەلمەيدى.

بۇدان كەيىن «ادىلدىك جولى» رەسپۋبليكالىق قوعامدىق بىرلەستىگىنىڭ ديرەكتورى باۋىرجان ماقۇلبايەۆ دابىل قاققان. ول ەسكەرتكىشتى سالۋعا بولىنگەن قارجى باسقا ماقساتقا جۇمسالىپ جاتىر دەپ كۇدىكتەنگەن.

«اعىمداعى جىلدىڭ 20 ناۋرىزىندا بىزدە سوت ساراپتاماسى ورتالىعىنىڭ قورىتىندىسى بويىنشا ەسكەرتكىشتىڭ كولەمى جاعىنان كىشىرەك جانە مەتالدىڭ قۇرامى قولا ەمەس، جەز بولىپ شىقتى جانە كورروزياعا ۇشىراپ جاتىر. مامانداردىڭ قورىتىندىسى بويىنشا كەلتىرىلگەن شىعىن 68،7 ملن تەڭگەنى قۇراپ وتىر»، - دەپ جازدى ماقۇلبايەۆ بۇگىن Facebook پاراقشاسىندا.



ول الماتى قالاسى مادەنيەت باسقارماسىنىڭ قىزمەتكەرلەرى مەن ج ش س باسشىلىعىنا قاتىستى ق ر قىلمىستىق كودەكسىنىڭ 189-بابى ءتورتىنشى بولىگىنىڭ ەكىنشى تارماعى (ق ر قك-نىڭ ىسىراپ ەتۋ نەمەسە جىمقىرۋ) بويىنشا سوتقا دەيىنگى تەرگەۋ باستالعانىن ءتۇسىندىردى. .

«ەسكە سالايىن، ءبىز ۇلكەن كۇش جۇمساپ، ەسكەرتكىشتى زەرتتەۋگە مادەنيەت باسقارماسى باسشىلىعىنىڭ كەلىسىمىن الدىق. ولاردىڭ نەگە سونشا قارسىلىق كورسەتكەنىن بولجاۋ قيىن ەمەس. ەندى ناتيجەسىن كۇتەمىز!» – دەپ تۇيىندەدى ماقۇلبايەۆ.

ىبىراي التىنسارين (1841-1889) – قازاق اعارتۋشىسى، جازۋشى، فولكلورشى، قوعام قايراتكەرى، ەتنوگراف جانە قازاق وقۋلىقتارىنىڭ اۆتورى.