Mamyr aiynyń ekinshi onkúndiginde esirtki qylmysyna qarsy is-qimyl bólinisteriniń qyzmetkerlerimen sintetikalyq esirtkiniń birqatar asa iri partiialaryn zańsyz ainalymǵa shyǵarý joldary kesildi, dep habarlaidy dalanews.kz.
Almaty qalasynda júrgizilgen jedel-izdestirý is-sharalary barysynda qala turǵyny ustalyp, odan eki kilogramnan astam alfa-PVP sintetikalyq esirtkisi tárkilendi. Kúdikti óz kinásin moiyndady. Eń iri megapoliste taǵy bir kúdikti ustaldy. Jigittiń turǵylyqty jerin tintý kezinde shamamen bir kilogramm sintetikalyq esirtki men psihotroptyq áseri bar zattar dáriler tárkilendi.
Shyǵys Qazaqstan oblysynda internet-dúken kýratorynyń tapsyrmasymen óńirlerge esirtki tasymaldaýmen ainalysqan Almaty oblysynyń turǵyny ustaldy. Kúdiktiden eki kilogramnan astam esirtki tárkilendi. Qaraǵandy oblysy Almaty - Ekaterinbýrg tasjolynda iri kólemdegi sintetikalyq esirtki zattaryn tasymaldaǵan esirtki taratýshy ustaldy. Avtokólik salonyn tintý barysynda bir kilogramm alfa-PVP sintekalyq esirtkisi tárkilendi.
"Tárkilengen sintetikalyq esirtkiniń jalpy salmaǵy alty kilogramnan astam. Bul zańsyz ainalymǵa túsýi múmkin 18 myńnan astam bir rettik dozanyń joly kesilgenin bildiredi. Iaǵni, myńdaǵan jastardyń ómiri men densaýlyǵyna ziian kelmedi. Atalǵan faktiler boiynsha Qylmystyq kodekstiń 297-baby 3-bóligimen sotqa deiingi is júrgizý amaldary júrgizilýde. Qazirgi ýaqytta ózge de qatysy bar tulǵalardy anyqtaýǵa baǵyttalǵan jedel-tergeý is-sharalary jalǵasýda. Barlyq kúdiktiler ýaqytsha ustaý izoliatoryna qamaldy. Jazǵy demalys qarsańynda IIM jastardy esirtki taratyp, "jeńil aqsha" tabý týraly jalǵan usynystarǵa aldanbaýǵa shaqyrady. Esińizde bolsyn: qylmyskerler sizdi "shyǵyn" retinde ǵana paidalanady. Óz jaqyndaryńyz týraly oilanyńyz!" - dedi IIM esirtki qylmysyna qarsy is-qimyl komitetiniń basqarma bastyǵy Baqytjan Ámirhanov.
