مامىر ايىنىڭ ەكٸنشٸ ونكٷندٸگٸندە ەسٸرتكٸ قىلمىسىنا قارسى ٸس-قيمىل بٶلٸنٸستەرٸنٸڭ قىزمەتكەرلەرٸمەن سينتەتيكالىق ەسٸرتكٸنٸڭ بٸرقاتار اسا ٸرٸ پارتييالارىن زاڭسىز اينالىمعا شىعارۋ جولدارى كەسٸلدٸ, دەپ حابارلايدى dalanews.kz.
الماتى قالاسىندا جٷرگٸزٸلگەن جەدەل-ٸزدەستٸرۋ ٸس-شارالارى بارىسىندا قالا تۇرعىنى ۇستالىپ, ودان ەكٸ كيلوگرامنان استام الفا-PVP سينتەتيكالىق ەسٸرتكٸسٸ تەركٸلەندٸ. كٷدٸكتٸ ٶز كٸنەسٸن مويىندادى. ەڭ ٸرٸ مەگاپوليستە تاعى بٸر كٷدٸكتٸ ۇستالدى. جٸگٸتتٸڭ تۇرعىلىقتى جەرٸن تٸنتۋ كەزٸندە شامامەن بٸر كيلوگرامم سينتەتيكالىق ەسٸرتكٸ مەن پسيحوتروپتىق ەسەرٸ بار زاتتار دەرٸلەر تەركٸلەندٸ.
شىعىس قازاقستان وبلىسىندا ينتەرنەت-دٷكەن كۋراتورىنىڭ تاپسىرماسىمەن ٶڭٸرلەرگە ەسٸرتكٸ تاسىمالداۋمەن اينالىسقان الماتى وبلىسىنىڭ تۇرعىنى ۇستالدى. كٷدٸكتٸدەن ەكٸ كيلوگرامنان استام ەسٸرتكٸ تەركٸلەندٸ. قاراعاندى وبلىسى الماتى - ەكاتەرينبۋرگ تاسجولىندا ٸرٸ كٶلەمدەگٸ سينتەتيكالىق ەسٸرتكٸ زاتتارىن تاسىمالداعان ەسٸرتكٸ تاراتۋشى ۇستالدى. اۆتوكٶلٸك سالونىن تٸنتۋ بارىسىندا بٸر كيلوگرامم الفا-PVP سينتەكالىق ەسٸرتكٸسٸ تەركٸلەندٸ.
"تەركٸلەنگەن سينتەتيكالىق ەسٸرتكٸنٸڭ جالپى سالماعى التى كيلوگرامنان استام. بۇل زاڭسىز اينالىمعا تٷسۋٸ مٷمكٸن 18 مىڭنان استام بٸر رەتتٸك دوزانىڭ جولى كەسٸلگەنٸن بٸلدٸرەدٸ. ياعني, مىڭداعان جاستاردىڭ ٶمٸرٸ مەن دەنساۋلىعىنا زييان كەلمەدٸ. اتالعان فاكتٸلەر بويىنشا قىلمىستىق كودەكستٸڭ 297-بابى 3-بٶلٸگٸمەن سوتقا دەيٸنگٸ ٸس جٷرگٸزۋ امالدارى جٷرگٸزٸلۋدە. قازٸرگٸ ۋاقىتتا ٶزگە دە قاتىسى بار تۇلعالاردى انىقتاۋعا باعىتتالعان جەدەل-تەرگەۋ ٸس-شارالارى جالعاسۋدا. بارلىق كٷدٸكتٸلەر ۋاقىتشا ۇستاۋ يزولياتورىنا قامالدى. جازعى دەمالىس قارساڭىندا ٸٸم جاستاردى ەسٸرتكٸ تاراتىپ, "جەڭٸل اقشا" تابۋ تۋرالى جالعان ۇسىنىستارعا الدانباۋعا شاقىرادى. ەسٸڭٸزدە بولسىن: قىلمىسكەرلەر سٸزدٸ "شىعىن" رەتٸندە عانا پايدالانادى. ٶز جاقىندارىڭىز تۋرالى ويلانىڭىز!" - دەدٸ ٸٸم ەسٸرتكٸ قىلمىسىنا قارسى ٸس-قيمىل كوميتەتٸنٸڭ باسقارما باستىعى باقىتجان ەمٸرحانوۆ.
