Shymkentte ulttyq mereke Respýblika kúni qarsańynda memlekettik baǵdarlama aiasynda 304 otbasy qonys toiyn toilady. Baspanaly bolǵan jandardyń qýanyshynda shek joq.
Dalanews.kz kópten kútken páterine qol jetkizgen Shymkent turǵynymen tildesti.
Bozaryq shaǵynaýdanyndaǵy úilerdiń kilti tabystalǵan rásim Ulttyq mereke - Respýblika kúnimen tuspa-tus kelýi de tegin emes. Baspanaly bolǵandar arasynda erekshe qajettilikteri bar balalardy tárbielep otyrǵan otbasylar, tolyq emes jáne kópbalaly otbasylar, múmkindigi shekteýli azamattar, jetim jáne ata-anasynyń qamqorlyǵynsyz qalǵan balalar, biýdjettik uiymdardyń qyzmetkerleri de bar.
Turǵyn úi kezeginde turǵan shymkenttikter bul baspanalardy Otbasy bank arqyly "2-10-20", "5-10-20" baǵdarlamalary negizinde nesiege rásimdegen.
Kilt tabystaý rásimine qala ákimi Ǵabit Syzdyqbekov arnaiy qatysyp, baspanaly bolǵan qýanysh ielerin quttyqtady. Qala ákiminiń sózinshe, halyqty turǵyn úimen qamtamasyz etý elimizdegi basym baǵyttardyń biri sanalady, al qazirgi tańda azamattar memlekettik baǵdarlamalar arqyly qoljetimdi baspanaǵa ie bolyp jatyr.
"Respýblika kúni qarsańynda turǵyn úi kezeginde turǵan azamattarǵa páter kiltterin tabystadyq. Kópqabatty úiler "Bozaryq" shaǵynaýdanynda 2023-2029 jyldarǵa arnalǵan turǵyn úi-kommýnaldyq infraqurylymdy damytý tujyrymdamasy aiasynda salynǵan. 304 jańa qonystanýshynyń qatarynda erekshe qajettiligi bar balalardy tárbielep otyrǵan otbasylar, tolyq emes otbasylar, múmkindigi shekteýli azamattar, ata-ana qamqorlyǵynsyz qalǵan balalar jáne biýdjet qyzmetkerleri bar. Qonystaryńyz qutty bolsyn! Ár shańyraqqa bereke men molshylyq tileimin!
Biyl biz 4000-nan astam páterdi paidalanýǵa berýdi josparlap otyrmyz. Bul halyqtyń turǵyn úi jaǵdaiyn jaqsartýǵa jáne ómir súrý sapasyn arttyrýǵa yqpal etedi", - dedi Ǵabit Syzdyqbekov.
Úili bolǵandardyń biri Dalanews.kz-ke bergen suhbatynda kópten kútken qýanyshyn bólisti.
"", - dedi Shymkent turǵyny.
Aitýly mereke qarsańynda baspanaly bolǵan qala turǵyndaryn "Otbasy bank" AQ Shymkent qalalyq filialynyń direktory Dáýren Saýdabaev ta quttyqtady.
"Árqaisymyz úshin jańa, eń bastysy, ózimizdiń jeke pátirimizge kóshý - ómirdegi asa mańyzdy ári qýanyshty oqiǵa. Páterlerińizde balalardyń kúlkisi jii estilip, ishi jylýlyq pen jailylyqqa toly bolýyna tilektespin. Jyl basynan beri "Otbasy bank" "2-10-20" baǵdarlamasy boiynsha 2 500 jýyq, "5-10-20" baǵdarlamasy boiynsha 3 247 qazaqstandyq otbasyǵa jeke baspana alýǵa kómektesti" - dedi "Otbasy bank" AQ Shymkent qalalyq filialynyń direktory Dáýren Saýdabaev.
Sýretter: Shymkent qalasy ákimdiginiń baspasóz qyzmeti
Shymkent qalasy ákimdiginiń baspasóz qyzmeti málimetinshe, jyl sońyna deiin taǵy 4 myńnan asa páter berý josparlanyp otyr. Demek biyl taǵy da myńdaǵan otbasy qonys toiyn toilap, baspanaly bolady.
