Túrkistan oblysynda áleýmettik-ekonomikalyq damýy boiynsha aýdan, qalalardyń 2024 jyldyń I toqsanyndaǵy reitingi shyǵaryldy. Bul rette túrli saladaǵy indikatorlar eseptelip, qorytyndysy baiandaldy. Oblys ákimi Darhan Satybaldy kósh sońynda qalǵan aýdan, qala ákimderine eskertý jasap, jumysty úilestirýdi, jandandyrýdy tapsyrdy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Biylǵy I toqsanda oblysymyzdyń áleýmettik-ekonomikalyq damýynda oń ósim bar. Kórsetkishter jaqsarǵan. Biraq jekelegen aýdan, qalalarda birqatar indikatordyń oryndalýy tómen deńgeide boldy. Ónerkásip pen óńdeý ónerkásibiniń ónim kóleminiń naqty kólemi indeksi Maqtaaral, Shardara, Otyrar, Saýran jáne Saryaǵash aýdandarynda oryndalmaǵan.
Negizgi kapitalǵa tartylǵan investitsiianyń naqty kólem indeksi Otyrar, Kentaý, Maqtaaral men Jetisaida tómendeý oryndalyp otyr. Osy sekildi birqatar kórsetkishter boiynsha josparlardy oryndamaǵan aýdan, qalalar bar. Olar negizgi kórsetkishterdiń oryndalýyn qamtamasyz etý boiynsha tiisti sharalardy qabyldamaǵan. Reitingte sońǵy 3 orynda turǵan aýdan, qala ákimderiniń jaýapkershiligin qoldanystaǵy zańnama aiasynda qaraý boiynsha usynys engizilsin. Belgilengen kórsetkishterdiń ýaqtyly ári sapaly oryndalýyn qamtamasyz etýdi tapsyramyn. Basty baǵyttar – investitsiia tartý, óndiris oryndaryn ashý, aýyl sharýashylyǵy men týrizmdi damytý, – dedi Darhan Satybaldy.
Túrkistan oblysynyń ekonomika jáne biýdjettik josparlaý basqarmasy basshysy Qanat Qaiypbektiń aitýynsha, 2024 jyldyń qańtar-naýryz ailarynyń qorytyndysymen oblys ekonomikasynyń áleýmettik-ekonomikalyq damýynyń negizgi salalarynda oń dinamika saqtaldy. Jalpy reitingte 37 indikator josparlanǵan.
Ónerkásip ónim kólemin esepti kezeńde 226,1 mlrd. teńgege jetkizý josparlansa, ol 274,3 mlrd. teńgeni qurap, naqty kólem indeksi 107,1% deńgeiinde oryndaldy. Josparǵa qol jetkizildi. Óńdeý ónerkásibi óniminiń esepti kezeńde 103,3 mlrd. teńgege jetkizý josparlansa, naqty 122,5 mlrd. teńgeni qurap, naqty kólem indeksi 114,8% deńgeiinde júzege asqan. Aýyl sharýashylyǵynda ónim kólemin 122,5 mlrd. teńgege jetkizý josparlansa, naqty 128,8 mlrd. teńgeni qurap, artyǵymen oryndalǵan. Negizgi kapitalǵa baǵyttalǵan investitsiianyń I toqsandaǵy mejesi 105,5 mlrd. teńge bolsa, naqty 132,3 mlrd. teńgeni tartylyp, artyǵymen atqarylǵan.
Qurylys jumystary kóleminiń jospary 31,5 mlrd. teńge bolsa, naqty 36,7 mlrd. teńgeni qurap, josparǵa qol jetkizildi. Paidalanýǵa tapsyrylǵan turǵyn úiler jospary 120,1 myń sharshy metr bolsa, naqty 150,3 myń sharshy metr úi paidalanýǵa tapsyrylǵan. Ishki týrister sanyń ulǵaitý maqsatynda I toqsanǵa 45 490 adamǵa jetkizý josparlanǵan, oryndalýy 46 683 adamdy qurap aýdan, qalalarda mejelengen jospar tolyǵymen oryndaldy.
AEM-di mobildi internetpen qamtý kórsetkishi boiynsha aýdan, qalalarda mejelengen jospar tolyǵymen atqarylǵan. Sonymen birge qanainalym júiesi men qaterli isikten bolatyn ólim-jitim tómendegen.
Jalpy reitingtik baǵalaý nátijesinde kóshbasshylar qatarynda Saýran, Kentaý, Sairam jáne Túrkistan ákimdikteri ornalasqan.
