تۇركىستان وبلىسىندا الەۋمەتتىك-ەكونوميكالىق دامۋى بويىنشا اۋدان، قالالاردىڭ 2024 جىلدىڭ ءى توقسانىنداعى رەيتينگى شىعارىلدى. بۇل رەتتە ءتۇرلى سالاداعى ينديكاتورلار ەسەپتەلىپ، قورىتىندىسى باياندالدى. وبلىس اكىمى دارحان ساتىبالدى كوش سوڭىندا قالعان اۋدان، قالا اكىمدەرىنە ەسكەرتۋ جاساپ، جۇمىستى ۇيلەستىرۋدى، جانداندىرۋدى تاپسىردى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
– بيىلعى ءى توقساندا وبلىسىمىزدىڭ الەۋمەتتىك-ەكونوميكالىق دامۋىندا وڭ ءوسىم بار. كورسەتكىشتەر جاقسارعان. ءبىراق جەكەلەگەن اۋدان، قالالاردا ءبىرقاتار ينديكاتوردىڭ ورىندالۋى تومەن دەڭگەيدە بولدى. ونەركاسىپ پەن وڭدەۋ ونەركاسىبىنىڭ ءونىم كولەمىنىڭ ناقتى كولەمى يندەكسى ماقتاارال، شاردارا، وتىرار، ساۋران جانە سارىاعاش اۋداندارىندا ورىندالماعان.
نەگىزگى كاپيتالعا تارتىلعان ينۆەستيسيانىڭ ناقتى كولەم يندەكسى وتىرار، كەنتاۋ، ماقتاارال مەن جەتىسايدا تومەندەۋ ورىندالىپ وتىر. وسى سەكىلدى ءبىرقاتار كورسەتكىشتەر بويىنشا جوسپارلاردى ورىنداماعان اۋدان، قالالار بار. ولار نەگىزگى كورسەتكىشتەردىڭ ورىندالۋىن قامتاماسىز ەتۋ بويىنشا ءتيىستى شارالاردى قابىلداماعان. رەيتينگتە سوڭعى 3 ورىندا تۇرعان اۋدان، قالا اكىمدەرىنىڭ جاۋاپكەرشىلىگىن قولدانىستاعى زاڭناما اياسىندا قاراۋ بويىنشا ۇسىنىس ەنگىزىلسىن. بەلگىلەنگەن كورسەتكىشتەردىڭ ۋاقتىلى ءارى ساپالى ورىندالۋىن قامتاماسىز ەتۋدى تاپسىرامىن. باستى باعىتتار – ينۆەستيسيا تارتۋ، ءوندىرىس ورىندارىن اشۋ، اۋىل شارۋاشىلىعى مەن ءتۋريزمدى دامىتۋ، – دەدى دارحان ساتىبالدى.
تۇركىستان وبلىسىنىڭ ەكونوميكا جانە بيۋدجەتتىك جوسپارلاۋ باسقارماسى باسشىسى قانات قايىپبەكتىڭ ايتۋىنشا، 2024 جىلدىڭ قاڭتار-ناۋرىز ايلارىنىڭ قورىتىندىسىمەن وبلىس ەكونوميكاسىنىڭ الەۋمەتتىك-ەكونوميكالىق دامۋىنىڭ نەگىزگى سالالارىندا وڭ ديناميكا ساقتالدى. جالپى رەيتينگتە 37 ينديكاتور جوسپارلانعان.
ونەركاسىپ ءونىم كولەمىن ەسەپتى كەزەڭدە 226،1 ملرد. تەڭگەگە جەتكىزۋ جوسپارلانسا، ول 274،3 ملرد. تەڭگەنى قۇراپ، ناقتى كولەم يندەكسى 107،1% دەڭگەيىندە ورىندالدى. جوسپارعا قول جەتكىزىلدى. وڭدەۋ ونەركاسىبى ءونىمىنىڭ ەسەپتى كەزەڭدە 103،3 ملرد. تەڭگەگە جەتكىزۋ جوسپارلانسا، ناقتى 122،5 ملرد. تەڭگەنى قۇراپ، ناقتى كولەم يندەكسى 114،8% دەڭگەيىندە جۇزەگە اسقان. اۋىل شارۋاشىلىعىندا ءونىم كولەمىن 122،5 ملرد. تەڭگەگە جەتكىزۋ جوسپارلانسا، ناقتى 128،8 ملرد. تەڭگەنى قۇراپ، ارتىعىمەن ورىندالعان. نەگىزگى كاپيتالعا باعىتتالعان ينۆەستيسيانىڭ ءى توقسانداعى مەجەسى 105،5 ملرد. تەڭگە بولسا، ناقتى 132،3 ملرد. تەڭگەنى تارتىلىپ، ارتىعىمەن اتقارىلعان.
قۇرىلىس جۇمىستارى كولەمىنىڭ جوسپارى 31،5 ملرد. تەڭگە بولسا، ناقتى 36،7 ملرد. تەڭگەنى قۇراپ، جوسپارعا قول جەتكىزىلدى. پايدالانۋعا تاپسىرىلعان تۇرعىن ۇيلەر جوسپارى 120،1 مىڭ شارشى مەتر بولسا، ناقتى 150،3 مىڭ شارشى مەتر ءۇي پايدالانۋعا تاپسىرىلعان. ىشكى تۋريستەر سانىڭ ۇلعايتۋ ماقساتىندا ءى توقسانعا 45 490 ادامعا جەتكىزۋ جوسپارلانعان، ورىندالۋى 46 683 ادامدى قۇراپ اۋدان، قالالاردا مەجەلەنگەن جوسپار تولىعىمەن ورىندالدى.
اەم-دى ءموبيلدى ينتەرنەتپەن قامتۋ كورسەتكىشى بويىنشا اۋدان، قالالاردا مەجەلەنگەن جوسپار تولىعىمەن اتقارىلعان. سونىمەن بىرگە قاناينالىم جۇيەسى مەن قاتەرلى ىسىكتەن بولاتىن ءولىم-جىتىم تومەندەگەن.
جالپى رەيتينگتىك باعالاۋ ناتيجەسىندە كوشباسشىلار قاتارىندا ساۋران، كەنتاۋ، سايرام جانە تۇركىستان اكىمدىكتەرى ورنالاسقان.
