Sharanyń ashýly saltanatynda Huawei kompaniiasynyń bas direktory Ken Hý myrza sóz aldy.
Forýmǵa arnaiy kelgen qadirmendi meimandarmen 5G tóńireginde oi bólisken Huawei tóraǵasy osynaý tehnologiia ózine deiin býynǵa qaraǵanda áldeqaida shapshań damyp jatqanyn aitty.
«5G tehnologiiasy erekshe suranysqa ie. Osy baǵytta aýyz toltyryp aitarlyq jetistikke jettik. Alaida bizdiń múmkindigimiz sheksiz. 5G-diń potentsialyn tolyq paidalaný arqyly bultty tehnologiialar men júielik sheshimderdi biriktirýge múmkindik alamyz. 5G-diń órisin keńeitý óz qolymyzda, osy arqyly salanyń ilgeri jyljýyna sebepker bolamyz», – dedi Ken Hý.
Biylǵy jyldyń qazan aiyndaǵy málimet boiynsha 230-dan asa halyqaralyq operatorlar 5G-ge kóship, atalǵan tehnologiianyń servisterin paidalana bastaǵan.
Búgingi kúni álemde 5G-diń 3 mln stantsiiasy belsendi jumys tur, bulardyń qyzmetin 700 mln-nan asa abonent udaiy paidalanady.
Telekommýnikatsiia salasynda tutynýshylarǵa tiesili servis bailanys operatorlarynyń negizgi tabys kózi sanalady. 5G-diń taralý aýqymy ulǵaiǵan saiyn tutynýshylardyń talǵamy da óse túsedi.
Huawei mamandarynyń atap ótkenindei 5G tehnologiiasynyń keńistigi keńeigen saiyn joǵary sapaly videokontentke degen suranys artqan, tiisinshe trafik ulǵaiady.
Jyldam internettiń nátijesinde paida bolǵan jańa mobildi qosymshalar 5G-diń kómegimen trafikti ulǵaityp, ár abonentke shaqqanda ortasha tabysyn 20-40 paiyzǵa arttyrǵan.
Bylaisha aitqanda 5G bailanys operatorlarynyń tabysyn ulǵaitýǵa jol ashqan.
5G budan bólek munai-gaz sektorynda, óndiris pen transport salasynda da qarqyndy, belsendi qoldanylýda. Osylaisha kommertsiialyq salada óz ornyn aiqyndaǵan tehnologiia azdaǵan ýaqyttyń ishinde naryqtaǵy ornyn nyǵaityp úlgergen.
«5G tek innovatsiialyq tehnologiia emes, ol kúndelikti ómirde kádege asyp, operatorlardy tabysqa keneltýde. 2021 jyly osynaý ónertabysty 3 myńnan asa óndiris oryndaryna ornatqan qytai operatorlary 3,4 mlrd iýan (shamamen 500 mln dollar) taza tabys tapty.
5G-diń kommertsiiadaǵy qoldanysy kún ótken saiyn qulashyn keńge jaiyp, bailanys operatorlarynyń ámiianyn toltyrýda. 5G-diń kómegimen jańa qyzmet kórsetý túrlerin, jańa biznes-jobalardy júzege asyrýǵa bolady, bul damýǵa bastaityn dańǵyl jol», – deidi Huawei tóraǵasy.
Onyń aitýynsha turǵyndardyń talǵamynan shyǵatyn, talabyna sai keletin bailanys jelileriniń qurylysyn jedeldetý qajet.
Bailanys operatorlary aýditoriianyń talap-tilegine beiimdelgeni jón. Osyny eskergen qytailyq bailanys kompaniialary ózderiniń jelilerin TikTok jáne basqa da tanymal videoservisterge beiimdegen.
Budan bylai atalǵan mobildi qosymshalardyń tutynýshylary ýaqytyn joǵaltpai ózine unaǵan kontentti úzbei kóre alady, kadrlardyń kidirip qalý problemasy 90 paiyzǵa tómendegen.
Bul óz kezeginde videonyń úzilissiz kórsetilýine jol ashyp, trafiktiń kólemin eki ese ulǵaitqan. Munyń bári 5G-diń nátijesinde múmkin bolǵan.
5G tehnologiiasy damýdyń alǵashqy satysynda ǵana
Atalǵan tehnologiianyń órisin keńeitý maqsatynda Huawei kompaniiasy birneshe bailanys operatorlary jáne osy saladaǵy senimdi seriktestermen birlesip 5G-diń ornyn basatyn 5,5G tehnologiiasyn júzege asyrýǵa kirisip ketti, osy maqsatta 4 kontseptsiia ázirlenip, pysyqtalý ústinde.
Ol júzege assa: málimet qabyldaýdyń jyldamdyǵy sekýndyna 10 Gbit-ke jetip, málimetti taratý jyldamdyǵy sekýndyna 1 Gbit-ti quraityn bolady. Bul tehnologiiaǵa 100 mlrd qurylǵy qosyla alady ári jasandy intellektpen jasaqtalmaq.
Ken Hý myrza paiymdaýynsha, osy baǵyttaǵy tehnologiialyq kompaniialar bir judyryqqa jumylýy qajet, sonda ǵana jalpyǵa ortaq ekojúie qurýǵa bolady.
5G-diń qundylyǵyn arttyrý: onyń joldary qandai?
Jyldamdyǵy joǵary bolǵandyqtan 5G-de bultty servister men jasandy intellektiniń tehnologiialaryn biriktirýge bolady. Bul biznes pen tutynýshylarǵa arnalǵan jańa qyzmet túrlerin qalyptastyrady.
Operatorlar internettegi aýditoriiaǵa shynaiy ómirge uqsas oiyndardy, telefon bailanysynyń qosymsha múmkindikterin usyna alady. Óz kezeginde bizneske tsifrlyq transformatsiiaǵa beiimdelýge jol ashylady.
Operatorlar bailanys kompaniiasy degen shekaradan shyǵyp, bultty servister men júielerdiń keńistigine kóshedi.
Jahandyq ekonomikalyq damýdyń kelesi satysy – barlyq salany tsifrlandyrý. Buǵan 5G tehnologiiasy arqaý bolady.
Aqparatty-kommýnikatsiialyq tehnologiialardyń ókilderi de osynaý ónertabystyń igiligin kóredi.
«5G-di jetildire túsýge bárimiz múddeli bolýǵa tiispiz. Tehnologiialyq damýdyń kelesi kezeńine ótkimiz kelse birlesip jumys isteý mańyzdy», – deidi Ken Hý myrza.
Keńjolaqty mobildi tehnologiianyń búgini men bolashaǵyn talqylaǵan Global Mobile Broadband forýmyn uiymdastyrýǵa Huawei kompaniia, GSM qaýymdastyǵy jáne GTI platformasy uiytqy boldy.
Jyl saiyn ótkiziletin tehnologiialyq májiliske mobildi operatorlardyń ókilderi, saladaǵy kóshbasshy kompaniialar, IT mamandar jáne osy ekojúieniń álemniń ár túkpirindegi seriktesteri qatysty.
5G-diń kommertsiialyq tabysy, osy tehnologiia men jasandy intellektini tutastyrý, onyń ekologiialyq tazalyǵy osy forýmda egjei-tegjeili sóz bolady.
Sharaǵa qatysty qosymsha málimetti tómendegi veb-saittan bile alasyzdar:
https://www.huawei.com/en/events/mbbf2022.
