شارانىڭ اشۋلى سالتاناتىندا Huawei كومپانيياسىنىڭ باس ديرەكتورى كەن حۋ مىرزا سٶز الدى.
فورۋمعا ارنايى كەلگەن قادٸرمەندٸ مەيماندارمەن 5G تٶڭٸرەگٸندە وي بٶلٸسكەن Huawei تٶراعاسى وسىناۋ تەحنولوگييا ٶزٸنە دەيٸن بۋىنعا قاراعاندا ەلدەقايدا شاپشاڭ دامىپ جاتقانىن ايتتى.
«5G تەحنولوگيياسى ەرەكشە سۇرانىسقا يە. وسى باعىتتا اۋىز تولتىرىپ ايتارلىق جەتٸستٸككە جەتتٸك. الايدا بٸزدٸڭ مٷمكٸندٸگٸمٸز شەكسٸز. 5G-دٸڭ پوتەنتسيالىن تولىق پايدالانۋ ارقىلى بۇلتتى تەحنولوگييالار مەن جٷيەلٸك شەشٸمدەردٸ بٸرٸكتٸرۋگە مٷمكٸندٸك الامىز. 5G-دٸڭ ٶرٸسٸن كەڭەيتۋ ٶز قولىمىزدا, وسى ارقىلى سالانىڭ ٸلگەرٸ جىلجۋىنا سەبەپكەر بولامىز», – دەدٸ كەن حۋ.
بيىلعى جىلدىڭ قازان ايىنداعى مەلٸمەت بويىنشا 230-دان اسا حالىقارالىق وپەراتورلار 5G-گە كٶشٸپ, اتالعان تەحنولوگييانىڭ سەرۆيستەرٸن پايدالانا باستاعان.
بٷگٸنگٸ كٷنٸ ەلەمدە 5G-دٸڭ 3 ملن ستانتسيياسى بەلسەندٸ جۇمىس تۇر, بۇلاردىڭ قىزمەتٸن 700 ملن-نان اسا ابونەنت ۇدايى پايدالانادى.
تەلەكوممۋنيكاتسييا سالاسىندا تۇتىنۋشىلارعا تيەسٸلٸ سەرۆيس بايلانىس وپەراتورلارىنىڭ نەگٸزگٸ تابىس كٶزٸ سانالادى. 5G-دٸڭ تارالۋ اۋقىمى ۇلعايعان سايىن تۇتىنۋشىلاردىڭ تالعامى دا ٶسە تٷسەدٸ.
Huawei ماماندارىنىڭ اتاپ ٶتكەنٸندەي 5G تەحنولوگيياسىنىڭ كەڭٸستٸگٸ كەڭەيگەن سايىن جوعارى ساپالى ۆيدەوكونتەنتكە دەگەن سۇرانىس ارتقان, تيٸسٸنشە ترافيك ۇلعايادى.
جىلدام ينتەرنەتتٸڭ نەتيجەسٸندە پايدا بولعان جاڭا موبيلدٸ قوسىمشالار 5G-دٸڭ كٶمەگٸمەن ترافيكتٸ ۇلعايتىپ, ەر ابونەنتكە شاققاندا ورتاشا تابىسىن 20-40 پايىزعا ارتتىرعان.
بىلايشا ايتقاندا 5G بايلانىس وپەراتورلارىنىڭ تابىسىن ۇلعايتۋعا جول اشقان.
5G بۇدان بٶلەك مۇناي-گاز سەكتورىندا, ٶندٸرٸس پەن ترانسپورت سالاسىندا دا قارقىندى, بەلسەندٸ قولدانىلۋدا. وسىلايشا كوممەرتسييالىق سالادا ٶز ورنىن ايقىنداعان تەحنولوگييا ازداعان ۋاقىتتىڭ ٸشٸندە نارىقتاعى ورنىن نىعايتىپ ٷلگەرگەن.
«5G تەك يننوۆاتسييالىق تەحنولوگييا ەمەس, ول كٷندەلٸكتٸ ٶمٸردە كەدەگە اسىپ, وپەراتورلاردى تابىسقا كەنەلتۋدە. 2021 جىلى وسىناۋ ٶنەرتابىستى 3 مىڭنان اسا ٶندٸرٸس ورىندارىنا ورناتقان قىتاي وپەراتورلارى 3,4 ملرد يۋان (شامامەن 500 ملن دوللار) تازا تابىس تاپتى.
5G-دٸڭ كوممەرتسيياداعى قولدانىسى كٷن ٶتكەن سايىن قۇلاشىن كەڭگە جايىپ, بايلانىس وپەراتورلارىنىڭ ەمييانىن تولتىرۋدا. 5G-دٸڭ كٶمەگٸمەن جاڭا قىزمەت كٶرسەتۋ تٷرلەرٸن, جاڭا بيزنەس-جوبالاردى جٷزەگە اسىرۋعا بولادى, بۇل دامۋعا باستايتىن داڭعىل جول», – دەيدٸ Huawei تٶراعاسى.
ونىڭ ايتۋىنشا تۇرعىنداردىڭ تالعامىنان شىعاتىن, تالابىنا ساي كەلەتٸن بايلانىس جەلٸلەرٸنٸڭ قۇرىلىسىن جەدەلدەتۋ قاجەت.
بايلانىس وپەراتورلارى اۋديتورييانىڭ تالاپ-تٸلەگٸنە بەيٸمدەلگەنٸ جٶن. وسىنى ەسكەرگەن قىتايلىق بايلانىس كومپانييالارى ٶزدەرٸنٸڭ جەلٸلەرٸن TikTok جەنە باسقا دا تانىمال ۆيدەوسەرۆيستەرگە بەيٸمدەگەن.
بۇدان بىلاي اتالعان موبيلدٸ قوسىمشالاردىڭ تۇتىنۋشىلارى ۋاقىتىن جوعالتپاي ٶزٸنە ۇناعان كونتەنتتٸ ٷزبەي كٶرە الادى, كادرلاردىڭ كٸدٸرٸپ قالۋ پروبلەماسى 90 پايىزعا تٶمەندەگەن.
بۇل ٶز كەزەگٸندە ۆيدەونىڭ ٷزٸلٸسسٸز كٶرسەتٸلۋٸنە جول اشىپ, ترافيكتٸڭ كٶلەمٸن ەكٸ ەسە ۇلعايتقان. مۇنىڭ بەرٸ 5G-دٸڭ نەتيجەسٸندە مٷمكٸن بولعان.
5G تەحنولوگيياسى دامۋدىڭ العاشقى ساتىسىندا عانا
اتالعان تەحنولوگييانىڭ ٶرٸسٸن كەڭەيتۋ ماقساتىندا Huawei كومپانيياسى بٸرنەشە بايلانىس وپەراتورلارى جەنە وسى سالاداعى سەنٸمدٸ سەرٸكتەستەرمەن بٸرلەسٸپ 5G-دٸڭ ورنىن باساتىن 5,5G تەحنولوگيياسىن جٷزەگە اسىرۋعا كٸرٸسٸپ كەتتٸ, وسى ماقساتتا 4 كونتسەپتسييا ەزٸرلەنٸپ, پىسىقتالۋ ٷستٸندە.
ول جٷزەگە اسسا: مەلٸمەت قابىلداۋدىڭ جىلدامدىعى سەكۋندىنا 10 گبيت-كە جەتٸپ, مەلٸمەتتٸ تاراتۋ جىلدامدىعى سەكۋندىنا 1 گبيت-تٸ قۇرايتىن بولادى. بۇل تەحنولوگيياعا 100 ملرد قۇرىلعى قوسىلا الادى ەرٸ جاساندى ينتەللەكتپەن جاساقتالماق.
كەن حۋ مىرزا پايىمداۋىنشا, وسى باعىتتاعى تەحنولوگييالىق كومپانييالار بٸر جۇدىرىققا جۇمىلۋى قاجەت, سوندا عانا جالپىعا ورتاق ەكوجٷيە قۇرۋعا بولادى.
5G-دٸڭ قۇندىلىعىن ارتتىرۋ: ونىڭ جولدارى قانداي?
جىلدامدىعى جوعارى بولعاندىقتان 5G-دە بۇلتتى سەرۆيستەر مەن جاساندى ينتەللەكتٸنٸڭ تەحنولوگييالارىن بٸرٸكتٸرۋگە بولادى. بۇل بيزنەس پەن تۇتىنۋشىلارعا ارنالعان جاڭا قىزمەت تٷرلەرٸن قالىپتاستىرادى.
وپەراتورلار ينتەرنەتتەگٸ اۋديتوريياعا شىنايى ٶمٸرگە ۇقساس ويىنداردى, تەلەفون بايلانىسىنىڭ قوسىمشا مٷمكٸندٸكتەرٸن ۇسىنا الادى. ٶز كەزەگٸندە بيزنەسكە تسيفرلىق ترانسفورماتسيياعا بەيٸمدەلۋگە جول اشىلادى.
وپەراتورلار بايلانىس كومپانيياسى دەگەن شەكارادان شىعىپ, بۇلتتى سەرۆيستەر مەن جٷيەلەردٸڭ كەڭٸستٸگٸنە كٶشەدٸ.
جاھاندىق ەكونوميكالىق دامۋدىڭ كەلەسٸ ساتىسى – بارلىق سالانى تسيفرلاندىرۋ. بۇعان 5G تەحنولوگيياسى ارقاۋ بولادى.
اقپاراتتى-كوممۋنيكاتسييالىق تەحنولوگييالاردىڭ ٶكٸلدەرٸ دە وسىناۋ ٶنەرتابىستىڭ يگٸلٸگٸن كٶرەدٸ.
«5G-دٸ جەتٸلدٸرە تٷسۋگە بەرٸمٸز مٷددەلٸ بولۋعا تيٸسپٸز. تەحنولوگييالىق دامۋدىڭ كەلەسٸ كەزەڭٸنە ٶتكٸمٸز كەلسە بٸرلەسٸپ جۇمىس ٸستەۋ ماڭىزدى», – دەيدٸ كەن حۋ مىرزا.
كەڭجولاقتى موبيلدٸ تەحنولوگييانىڭ بٷگٸنٸ مەن بولاشاعىن تالقىلاعان Global Mobile Broadband فورۋمىن ۇيىمداستىرۋعا Huawei كومپانييا, GSM قاۋىمداستىعى جەنە GTI پلاتفورماسى ۇيىتقى بولدى.
جىل سايىن ٶتكٸزٸلەتٸن تەحنولوگييالىق مەجٸلٸسكە موبيلدٸ وپەراتورلاردىڭ ٶكٸلدەرٸ, سالاداعى كٶشباسشى كومپانييالار, IT ماماندار جەنە وسى ەكوجٷيەنٸڭ ەلەمنٸڭ ەر تٷكپٸرٸندەگٸ سەرٸكتەستەرٸ قاتىستى.
5G-دٸڭ كوممەرتسييالىق تابىسى, وسى تەحنولوگييا مەن جاساندى ينتەللەكتٸنٸ تۇتاستىرۋ, ونىڭ ەكولوگييالىق تازالىعى وسى فورۋمدا ەگجەي-تەگجەيلٸ سٶز بولادى.
شاراعا قاتىستى قوسىمشا مەلٸمەتتٸ تٶمەندەگٸ ۆەب-سايتتان بٸلە الاسىزدار:
https://www.huawei.com/en/events/mbbf2022.
