«Bul «Home Credit Bank» AQ 2022 jyldyń jeltoqsanynda bolǵan aktsionerlerdiń aýysýynan keiin derbes qarjy institýty retinde alǵan alǵashqy reitingimiz. Fitch-tiń mundai joǵary reitingi banktiń turaqty qarjylyq jaǵdaiyn, onyń respýblikanyń bólshek kreditteý naryǵyndaǵy myqty pozitsiiasyn, adaptivti jáne tabysty biznes-modeldiń bolýyn kórsetedi dep sanaimyz. Home Credit Bank biylǵy jyldy ótimdiliktiń jetkilikti qory men menshikti kapitaldyń aitarlyqtai deńgeiine ie bola otyryp aiaqtady. Bul banktiń táýekel-tábet turǵysynan konservativti saiasat júrgizetindiginiń taǵy bir dáleli boldy, sonymen qatar banktiń top-menedjmenti tarapynan operatsiialyq sheshimder qabyldaýdaǵy jyldamdyq pen ikemdilikti atap ótý kerek. Ótken jyly Home Credit Bank tsifrlyq bankingti damytýdy, klientterimiz úshin básekege qabiletti ónimder men qyzmetterdi qurýdy jalǵastyrdy, mobildi qosymshany jaqsartý boiynsha úzdiksiz jumys júrgizdi», - dep atap ótti «Home Credit Bank» AQ Basqarma tóraǵasy Kiril Bachvarov.
Bank týraly
Home Credit Bank Qazaqstanda 2005 jyldan bastap jumys isteidi. Bólshek kreditteý segmentindegi belsendi oiynshy bolyp tabylady. Klientterdiń belsendi bazasy 1,5 mln adamdy quraidy, onyń 90%-dan astamy Banktiń keminde 2 ónimin paidalanady. Bank aktivteri 2023 jylǵy 1 aqpandaǵy jaǵdai boiynsha 538 mlrd. teńgeni, menshikti kapitaly 132,8 mlrd. teńgeni qurady. Menshikti kapital mólsheri boiynsha Home Credit Bank 2023 jylǵy 1 aqpandaǵy jaǵdai boiynsha QR-nyń on iri bankiniń qataryna kiredi.
2022 jyldyń naýryzy - Fitch agenttigi Resei Federatsiiasyndaǵy kommertsiialyq qyzmetin toqtata turatyny týraly habarlady, nátijesinde Fitch Ratings Resei Federatsiiasynda qurylǵan barlyq zańdy tulǵalardyń jáne olardyń enshiles kompaniialarynyń reitingterin qaitaryp alatyny týraly jariialady. Sol kezde qazaqstandyq bank «Hoým Kredit end Finans bank» JShQ Reseilik banktiń enshiles uiymy bolǵandyqtan, onyń reitingi de keri qaitaryldy.
2022 jyldyń 17 mamyrynda Home Credit halyqaralyq qarjy tobyn qamtityn PPF holdingi óziniń reseilik bank aktivterin satatynyn jariialady.
2022 jylǵy 23 mamyrda qazaqstandyq «Hoým Kredit Bank» aktsiialar paketiniń 75%-yn Cheh kásipkeri, PPF halyqaralyq investitsiialyq tobynyń SEO Irji Shmeits bastaǵan PPF halyqaralyq investitsiialyq-qarjy korporatsiiasynyń top-menedjerleri satyp aldy.
2022 jylǵy 21 shildede qazaqstandyq «Bank Hoým Kredit» memlekettik qaita tirkeýden ótip, ataýyn «Home Credit Bank» AQ dep ózgertti.
2022 jylǵy 23 jeltoqsanda Irji Shmeits reseilik «Hoým Kredit end Finans Bank» JShQ aktsiialarynyń 25%-yn satyp alyp, qazaqstandyq «Home Credit Bank» AQ-nyń 34,7% úlesin ielenetin iri qatysýshysy boldy.
