Osy jyldyń basynda Almaty qalasynyń ákimi Baqytjan Saǵyntaev qala turǵyndarynyń úilerin gazǵa qosý úshin ekinshi deńgeili bankter arqyly kredit berý múmkindigin qarastyrýdy tapsyrǵan-dy. Óz kezeginde Halyk Bank ákimdiktiń bul bastamasyn qoldap, gaz ornatýǵa paiyzsyz kredit berýden bólek, turmysy tómen otbasylarǵa gazdy tegin ornatýǵa qol ushyn bergenin aita ketýimiz kerek.
– Bul joba halyqtyń áleýmettik osal toby men úilerin gazben jabdyqtaǵysy keletin qala turǵyndaryn qamtidy. Kómir jaǵý qalanyń aýa tazalyǵyna keri áserin beretinin bilemiz, sondyqtan Halyk Bank halyqtyń áleýmettik turǵydan osal tobyna jatatyn turǵyndardyń úilerine gazdy tegin qosýda. Almaty ákimdigi usynǵan tizimge sáikes, úige gazdy tegin qosý ǵana emes, sonymen qatar barlyq qajetti gaz jabdyqtaryn satyp alýǵa da kómektesemiz. Al, áleýmettik turmysy tómen otbasy qataryna jatpaityn almatylyqtar úshin paiyzsyz kredit usynamyz. Osylaisha qalamyzdyń áýe basseinin tazartýǵa úles qosyp jatqan jaiymyz bar, – dedi Halyk Bank basqarma tóraǵasynyń orynbasary Dáýren Sartaev.
«Men úidi jiyrma jyl boiy kómir jaǵyp, jylytyp kelemin. Maǵan bul óte qiyn edi, óitkeni aiaǵym aýyrady. Endi, mine Halyk Bank-tiń arqasynda armanym oryndaldy, búgin meniń úiime gaz qosyldy. Bul igi iske rizashylyǵym sheksiz» dep zeinetker, 3 toptyń múgedegi Galina Goncharova bankke alǵysyn aitty.
Jalǵyz basty ana Gúlbahram Býltakova: «Buryn qyzym ekeýmiz bólmeniń dál ortasynda turǵan peshti jaǵýymyz kerek edi. Banktiń qoldaýynyń arqasynda úiimizge gaz kelip, jylý júiesin ornattyq. Olar pesh turatyn bólmeni de ózderi turǵyzdy. Bankke ujymyna aitar alǵysym sheksiz!» dedi.
Turmysy tómen otbasylardyń úiine gaz qosý úshin Halyk Bank 60 million teńgeden astam qarajat bóldi. Búginde 10 otbasyǵa gaz tegin ornatyldy, jyl sońyna deiin Naýryzbai jáne Alataý aýdany boiynsha 70 astam úige tegin gaz tartý josparlap otyr.
- Syiaqy mólsherlemesi – 0%;
- Zaimdy resimdegeni úshin komissiia – 0,1%
- Kreditteý merzimi – 18 aiǵa deiin
- Bir jeke tulǵa úshin zaimnyń somasy – 309 000 teńge mólsherinde
Paiyzsyz kredit alý úshin azamattar kelesi qadamdardy oryndaýy qajet:
- qajetti qujattardyń tizimimen keńesý úshin aýdan ákimdikterimen bailanysý qajet;
- gazdy qosýdyń tehnikalyq sharttaryn alý jáne qyzmetti usynatyn kompaniialarmen kelisim jasaý;
- osy kelisimmen kredit alý úshin kelesi mekenjailardaǵy Halyk Bank–tiń eki bólimshesiniń birine habarlasý qajet:
- Túrksib aýdany, Kýngýrskaia kóshesi, 2 úi, Halyk Bank, 131832 bólimshesi;
- Áýezov aýdany, «Jetysý-4» shaǵyn aýdany, 13 «A» úi, Halyk Bank, 30 JSO
Baǵdarlama týraly tolyǵyraq Bank saitynan tanysýǵa bolady:
https://halykbank.kz/kz/credit/kredit-gaz
