Halyk Bank 20 mlrd teńgege baǵaly qaǵazdar shyǵarýdy josparlap otyr. Bir obligatsiianyń nominaldy quny 1 myń teńge mólsherinde bekitilgen, ornalastyrylatyn emissiialyq baǵaly qaǵazdar sany – 20 mln dana, dep habarlaidy Dalanews.kz.
"Qazaqstan Halyq Banki" AQ úshinshi baǵdarlamasy sheńberinde 20 000 000 000 teńge somasyna obligatsiialardyń segizinshi shyǵarylymyn júzege asyrsyn" delingen 2024 jyldyń 8 qazanynda banktiń direktorlar keńesi qabyldaǵan sheshimde.
Aita ketsek, buǵan deiin 23 kún ishinde Halyk Bank 6 mln 329 126 dollarǵa 364 421 jahandyq depozitarlyq qolhattar (JDH) satyp alǵany habarlanǵan.
KASE málimetinshe, 2024 jylǵy 1 qazandaǵy jaǵdai boiynsha Halyk Bank aktsiiasynyń 56,39%-y "ALMEKS" holdingi tobyna, 23,04%-y – The Bank of New York (nominaldy ustaýshy) tiesili. Halyk toby Timýr Qulybaev pen onyń áieli Dinaranyń tolyqtai baqylaýynda ekeni belgili.
