Halyk Bank 20 ملرد تەڭگەگە باعالى قاعازدار شىعارۋدى جوسپارلاپ وتىر. ءبىر وبليگاسيانىڭ نومينالدى قۇنى 1 مىڭ تەڭگە مولشەرىندە بەكىتىلگەن، ورنالاستىرىلاتىن ەميسسيالىق باعالى قاعازدار سانى – 20 ملن دانا، دەپ حابارلايدى Dalanews.kz.
"قازاقستان حالىق بانكى" اق ءۇشىنشى باعدارلاماسى شەڭبەرىندە 20 000 000 000 تەڭگە سوماسىنا وبليگاسيالاردىڭ سەگىزىنشى شىعارىلىمىن جۇزەگە اسىرسىن" دەلىنگەن 2024 جىلدىڭ 8 قازانىندا بانكتىڭ ديرەكتورلار كەڭەسى قابىلداعان شەشىمدە.
ايتا كەتسەك، بۇعان دەيىن 23 كۇن ىشىندە Halyk Bank 6 ملن 329 126 دوللارعا 364 421 جاھاندىق دەپوزيتارلىق قولحاتتار (جدح) ساتىپ العانى حابارلانعان.
KASE مالىمەتىنشە، 2024 جىلعى 1 قازانداعى جاعداي بويىنشا Halyk Bank اكسياسىنىڭ 56،39%-ى "المەكس" حولدينگى توبىنا، 23،04%-ى – The Bank of New York (نومينالدى ۇستاۋشى) تيەسىلى. Halyk توبى تيمۋر قۇلىبايەۆ پەن ونىڭ ايەلى دينارانىڭ تولىقتاي باقىلاۋىندا ەكەنى بەلگىلى.
