Resei men Ýkraina soǵysy – tek ekeýiniń soǵysy. Ýkraina Qazaqstan úshin soǵysyp jatyr, Eýropa úshin soǵysyp jatyr, basqasy úshin soǵysyp jatyr degen – sandyraq. Ýkraina tek ózi úshin, ótken qatelikteri men bolashaǵy úshin soǵysyp jatyr.
Ýkraina bul soǵysqa ózimen qatar Qazaqstandy da aralastyryp jiberýge múddeli. Bul rette ýkraindar aqparattyq, ideologiialyq, strategiialyq turǵyda júieli ári josparly jumystaryn júrgizip jatyr.
Iýtýbty ashyp, ýkraindarǵa janashyrlyq, orystarǵa óshpendilik sezimderińizdi sóndirip, aqyldy qosyp qarasańyz buǵan kóz jetkizesiz. Ýkrain jańalyqtary, rolikteriniń barlyǵy Resei men Qazaqstandy, ásirese basshylaryn bir-birine aidap salý, salystyrý, Qazaqstan men qazaqtardy maqtaý arqyly Reseidi, orystardy kemsitý (skrinderden videolardyń jariialanǵan ýaqyty, jiiligi, taqyryby, tony, podachasyna mán berińizder)...
Bir sózben aitqanda Ýkraina Reseidiń Qazaqstanǵa qarsy ońtústik frontyn ashyp, áskeri-taktikalyq turǵyda álsireýine, shashylýyna múddeli.
Ókinishke qarai, bizdiń eldiń keibir azamattary (tanymaldar bastaǵan) buny ne túsinbei, ne túsinse de eldiń búgini men erteńin báske tigip, elimizge soǵys shaqyryp júr.
Árine, el shetine jaý tise eshkim qarap qalmas. Biraq bizge Ýkraina tyqpalap otyrǵan soǵys kerek emes.
Tipti, kerek deseńiz, bizge Resei men Ýkraina soǵysynyń anaǵurlym uzaǵyraq (basqynshy bul ómirden ketkenshe) sozylǵany kerek. Árine, adami turǵyda alǵanda soǵystyń bolmaǵany, toqtaǵany durys. Biraq memleketter deńgeiinde árqaisynyń óz ulttyq múddesi bar, esebi bar.
Sondyqtan, bizdiń keibir azamattardyń Ýkrainany belsendi qoldaimyz dep, ózimizdiń ulttyq múddemizdiń údesinen shyqpaityn, tipti memleketimizdiń qaýipsizdigine qater tóndirýi múmkin teris áreketterine jol bermeý kerek.
Bizde memleket bar. Memleketimizdiń ishki-syrtqy saiasatyn úilestirip otyrǵan zańdy institýttar bar.
Ult bolyp uiysyp, eldigimizdi nyǵaita berý kerek.
El, jer – ortaq. Keiin opynyp otyrmas úshin Otanymyzǵa opasyzdyq jasaýǵa jol bermegen abzal.
