رەسەي مەن ۋكراينا سوعىسى – تەك ەكەۋٸنٸڭ سوعىسى. ۋكراينا قازاقستان ٷشٸن سوعىسىپ جاتىر, ەۋروپا ٷشٸن سوعىسىپ جاتىر, باسقاسى ٷشٸن سوعىسىپ جاتىر دەگەن – ساندىراق. ۋكراينا تەك ٶزٸ ٷشٸن, ٶتكەن قاتەلٸكتەرٸ مەن بولاشاعى ٷشٸن سوعىسىپ جاتىر.
ۋكراينا بۇل سوعىسقا ٶزٸمەن قاتار قازاقستاندى دا ارالاستىرىپ جٸبەرۋگە مٷددەلٸ. بۇل رەتتە ۋكرايندار اقپاراتتىق, يدەولوگييالىق, ستراتەگييالىق تۇرعىدا جٷيەلٸ ەرٸ جوسپارلى جۇمىستارىن جٷرگٸزٸپ جاتىر.
يۋتۋبتى اشىپ, ۋكرايندارعا جاناشىرلىق, ورىستارعا ٶشپەندٸلٸك سەزٸمدەرٸڭٸزدٸ سٶندٸرٸپ, اقىلدى قوسىپ قاراساڭىز بۇعان كٶز جەتكٸزەسٸز. ۋكراين جاڭالىقتارى, روليكتەرٸنٸڭ بارلىعى رەسەي مەن قازاقستاندى, ەسٸرەسە باسشىلارىن بٸر-بٸرٸنە ايداپ سالۋ, سالىستىرۋ, قازاقستان مەن قازاقتاردى ماقتاۋ ارقىلى رەسەيدٸ, ورىستاردى كەمسٸتۋ (سكريندەردەن ۆيدەولاردىڭ جارييالانعان ۋاقىتى, جيٸلٸگٸ, تاقىرىبى, تونى, پوداچاسىنا مەن بەرٸڭٸزدەر)...
بٸر سٶزبەن ايتقاندا ۋكراينا رەسەيدٸڭ قازاقستانعا قارسى وڭتٷستٸك فرونتىن اشىپ, ەسكەري-تاكتيكالىق تۇرعىدا ەلسٸرەۋٸنە, شاشىلۋىنا مٷددەلٸ.
ٶكٸنٸشكە قاراي, بٸزدٸڭ ەلدٸڭ كەيبٸر ازاماتتارى (تانىمالدار باستاعان) بۇنى نە تٷسٸنبەي, نە تٷسٸنسە دە ەلدٸڭ بٷگٸنٸ مەن ەرتەڭٸن بەسكە تٸگٸپ, ەلٸمٸزگە سوعىس شاقىرىپ جٷر.
ەرينە, ەل شەتٸنە جاۋ تيسە ەشكٸم قاراپ قالماس. بٸراق بٸزگە ۋكراينا تىقپالاپ وتىرعان سوعىس كەرەك ەمەس.
تٸپتٸ, كەرەك دەسەڭٸز, بٸزگە رەسەي مەن ۋكراينا سوعىسىنىڭ اناعۇرلىم ۇزاعىراق (باسقىنشى بۇل ٶمٸردەن كەتكەنشە) سوزىلعانى كەرەك. ەرينە, ادامي تۇرعىدا العاندا سوعىستىڭ بولماعانى, توقتاعانى دۇرىس. بٸراق مەملەكەتتەر دەڭگەيٸندە ەرقايسىنىڭ ٶز ۇلتتىق مٷددەسٸ بار, ەسەبٸ بار.
سوندىقتان, بٸزدٸڭ كەيبٸر ازاماتتاردىڭ ۋكراينانى بەلسەندٸ قولدايمىز دەپ, ٶزٸمٸزدٸڭ ۇلتتىق مٷددەمٸزدٸڭ ٷدەسٸنەن شىقپايتىن, تٸپتٸ مەملەكەتٸمٸزدٸڭ قاۋٸپسٸزدٸگٸنە قاتەر تٶندٸرۋٸ مٷمكٸن تەرٸس ەرەكەتتەرٸنە جول بەرمەۋ كەرەك.
بٸزدە مەملەكەت بار. مەملەكەتٸمٸزدٸڭ ٸشكٸ-سىرتقى ساياساتىن ٷيلەستٸرٸپ وتىرعان زاڭدى ينستيتۋتتار بار.
ۇلت بولىپ ۇيىسىپ, ەلدٸگٸمٸزدٸ نىعايتا بەرۋ كەرەك.
ەل, جەر – ورتاق. كەيٸن وپىنىپ وتىرماس ٷشٸن وتانىمىزعا وپاسىزدىق جاساۋعا جول بەرمەگەن ابزال.
