Qazaqstan Ulttyq olimpiadalyq komitetiniń prezidenti Gennadii Golovkin jańa qyzmetke taǵaiyndaldy. Ol Islam yntymaqtastyǵy sport qaýymdastyǵynyń (ISSA) vitse-prezidenti bolyp sailandy, dep habarlaidy dalanews.kz.
Sailaý 12 qyrkúiekte Saýd Arabiiasynyń Taif qalasynda ótken ISSA uiymynyń XV Bas assambleiasy barysynda ótti.
Nátijesinde Gennadii Golovkin 2026–2029 jyldarǵa arnalǵan kezeńde Aziia jáne Eýropa óńirleri boiynsha vitse-prezident retinde uiymnyń Atqarýshy komitetiniń quramyna endi.
Al ISSA prezidenti qyzmetine Saýd Arabiiasynyń sport ministri, eldiń Olimpiadalyq jáne Paralimpiadalyq komitetiniń basshysy hanzada Abdýlaziz ben Týrki Ál-Feisal qaita sailandy.
Golovkin úshin bul halyqaralyq sport uiymdaryndaǵy qyzmetiniń jańa kezeńi sanalady. Ol 2024 jyldyń aqpan aiynan beri Qazaqstan Ulttyq olimpiadalyq komitetin basqaryp keledi.
Sondai-aq 2025 jyldyń qarasha aiynda Gennadii Golovkin World Boxing uiymynyń prezidenti bolyp sailanǵan edi. Osylaisha ol olimpiadalyq sport túrleri boiynsha halyqaralyq federatsiiany basqarǵan alǵashqy qazaqstandyq atandy.
Jańa qyzmet Golovkinniń halyqaralyq sport qaýymdastyǵyndaǵy yqpalyn odan ári kúsheite túsedi.
