"Gazpromenergoholding" Qazaqstandaǵy kómir óndirýshi kompaniia - "Angrensor Trading" JShS-ny satylymǵa shyǵardy. Bastapqy quny - 23,4 mlrd rýbl nemese shamamen 116 mlrd teńge. Bul aktivti Resei Qazaqstannan kómir tasymaldaýda dollardai esepaiyrysyp jatpasy úshin 2016 jyly satyp alǵan. Ol kezdegi quny 2 mln rýbldi nemese shamamen 10 mln teńgeni quraǵan. Sondai-aq reseilikter kompaniianyń 8,5 mlrd rýbl (42,5 mlrd teńge) qaryzyn japqan, dep jazady Dalanews.kz.
Kompaniia satylymǵa 27 jeltoqsanǵa deiin qoiyldy. Sondai-aq atalǵan kompaniianyń qaryzy shash-etekten ekeni belgili, dep jazady reseilik RBK.
Bul kompaniia týraly ne bilemiz?
"Angrensor Trading" JShS Ekibastuz ken ornynyń tas kómirin kóterme jetkizýshi bolyp tabylady. Sondai-aq ol Ekibastuz kómirin óndirýmen ainalysatyn "Angrensor Energo" JShS-niń 100 paiyzdyq úlesine ie. Bul aktivti "Gazprom" Qazaqstannan kómir tasymaldaýda dollardai esepaiyrysyp jatpasy úshin 2016 jyly satyp alǵan. Ol kezdegi quny 2 mln rýbldi nemese shamamen 10 mln teńgeni quraǵan. Bul arada Ekibastuz kómirin "Gazpromenergoholding" quramyna enetin OGK-2-ge tiesili Troitsa jáne Serov GRES-i paidalanatynyn basa aita ketelik. Satyp alynǵannan keiin burynǵy menshik iesiniń qaryzdaryn jabý úshin "Angrensor Trading" JShS-ǵa 8,5 milliard rýbl nesie berildi. Sondai-aq bul qarajatqa Qazaqstandaǵy óndiristi damytý josparlanǵan. Mysaly, kásiporyn kelisimshart boiynsha óziniń GRES-terinen bólek "Inter RAO-ǵa" da kómir jóneltedi.
Treiderdiń qarjylyq qiyndyqtary
"Samuryq-Energo" AQ-tyń derekteri boiynsha, 2017 jyly Qazaqstandaǵy kómir óndirisiniń jalpy kólemindegi "Angrensor Energonyń" úlesi 5% -dy qurady. Bul - eń úlken kórsetkishtiń bestigi. 2023 jyly JShS eldegi kómir óndiretin iri kompaniialardyń qataryna kirdi. Uiymnyń ótken jylǵy materialdarynda onyń negizgi ótkizý naryǵy Resei bolyp tabylatyny aitylady. Degenmen...
2023 jylǵy "Angrensor Energonyń" qarjylyq esebiniń aýditorlyq qorytyndysynda 31 jeltoqsandaǵy jaǵdai boiynsha JShS-niń jiyntyq shyǵyndary 58,6 mlrd teńgeni (ótken jyldyń sońyndaǵy Resei bankiniń baǵamy boiynsha shamamen 12 mlrd rýbl), al taza aktivter quny - "somadaǵy teris mánde" 33,7 mlrd teńgeni (6 mlrd rýblden astam) quraǵan.
"Bul jaǵdailar uiymnyń óz qyzmetin úzdiksiz jalǵastyrý qabiletine eleýli kúmán týdyra otyryp, dúdamal ahýal baryn kórsetedi", - delingen aýdit qorytyndysynda.
2024 jyldyń shildesinde kompaniianyń ótimdiligi boiynsha máseleler áli sheshilmegeni týraly kásiporyn basshysy Andrei Metelev te aitqan. Osyndai ótinishpen "Atameken" kásipkerler palatasyna júgingen ol "Angrensor Energoǵa" jergilikti naryqta 1 mln tonna kómirdi ótkizý jáne jetkizý boiynsha járdemdesýdi suraǵan, sondai-aq jetkizýshiler aldyndaǵy, atap aitqanda "BAS Karer" JShS merdigerlik uiymy aldyndaǵy boryshy týraly da aitylady.
Demek,qarjylyq qiyndyq jaǵdaiynda satyp alǵan qazaqstandyq kompaniianyń máselesin reseilikter de sheshe almaǵan. Sanktsiialardan keiin onsyz da qiyn jaǵdaiǵa tap bolǵan "Gazpromnyń" problemalyq aktivterden arylýǵa tyrysýy, bir jaǵynan túsinikti. Endi onyń kelesi qojasy kim bolady, ony 28 jeltoqsanda biletin bolamyz.
