Gaýhar (Goga) Ashkenazi Ulybritaniiadaǵy salyq rezidenttigin Birikken Arab Ámirlikterine aýystyrdy. Bul aqparat onyń MMG Global Consulting Limited kompaniiasynyń qarjylyq eseptiliginde kórsetilgen. Osylaisha, ol salyq júktemesiniń kúsheiýine bailanysty elden ketip jatqan aýqatty britandyqtardyń qataryna qosyldy, dep habarlaidy Dalanews.kz "Vyhod k moriý" telegram arnasyna silteme jasap.
Negizgi derekter
Kompaniia eseptiliginde Ashkenazidiń endi Ulybritaniianyń salyq rezidenti emestigi kórsetilgenimen, ol koroldik azamattyǵyn saqtap qalǵan. Sonymen qatar, onyń Rýmyniia men Sent-Kits jáne Nevis pasporttary bar ekeni aitylady.
Sońǵy jyldary Ulybritaniiada aýqatty azamattardyń elden ketý úrdisi kúsheigen. Buǵan 2024 jyldan bastalǵan salyq reformasy sebep boldy. Jańa ózgerister sheteldik tabystarǵa el ishinde salyq tóleýdi mindetteidi, muragerlikke, kapital ósimine jáne quny 2 mln fýnttan asatyn jyljymaityn múlikke salynatyn salyqty arttyrady. Konsaltingtik Arton Capital dereginshe, bailyǵy 1 mln fýnttan asatyn britandyqtardyń jartysynan kóbi kóshý múmkindigin qarastyryp júr. 2025 jyly elden 16,5 myń aýqatty azamat ketýi múmkin, bul – rekordtyq kórsetkish.
Janjal izi
Ashkenazidiń Ulybritaniiadan ketýi tek salyq saiasatyna ǵana emes, Prints Endriý tóńiregindegi daý-damaiǵa da bailanysty bolýy yqtimal. BBC qańtar aiynda jariialaǵan zertteýde Ashkenazi hanzadany Timýr Qulybaevpen tanystyrǵany aitylǵan. Jýrnalisterdiń jazýynsha, hanzadanyń Senninghill pomestesin Qulybaevqa naryq baǵasynan birneshe million fýntqa qymbat satýyna osy tanystyq sebep bolǵan. Bul mámile sybailas jemqorlyq sipatta bolýy múmkin degen kúdik týdyrǵan.
Alaida Qulybaevtyń advokattary baǵanyń joǵary bolýyn nysanǵa birneshe satyp alýshynyń qyzyǵýshylyq tanytýymen túsindiredi. Soǵan qaramastan, Ulybritaniia úkimetindegi sybailas jemqorlyqqa qarsy baǵytty qadaǵalaityn saiasatker Margaret Hodj bul mámileni parlament deńgeiinde ǵana emes, ulttyq organdar da tekserýi tiis ekenin málimdedi.
BAÁ-degi orta
Birikken Arab Ámirlikterinde sońǵy jyldary aýqatty qazaqstandyqtardyń edáýir diasporasy qalyptasqan. Olar bul eldegi jyljymaityn múlikke shamamen 1 mlrd dollar jumsaǵan. Ashkenazidiń BAÁ-degi ómiri de osy ortada jalǵasýy múmkin ekeni aitylyp júr.
