Qonaev qalasynyń 55 jyldyq mereitoiy erekshe sán-saltanatpen atalyp, merekelik kún gala-kontsertpen qorytyndylandy. Ortalyq alańǵa 15 myńnan astam halyq jinaldy, dep habarlaidy Dalanews.kz
Keshki baǵdarlamada qazaqstandyq estradanyń jarqyn juldyzdary — Miras Júginisov, «Bellucci» jáne «Skillz» toptary, DJ NURBOOGIE men Dana Kentai sahnaǵa shyǵyp, qala turǵyndaryna kóterińki kóńil kúi syilady. Án men bi merekelik alańdy shattyqqa bólep, turǵyndar ánshilermen birge qosylyp, dýmandy keshtiń kórkin qyzdyrdy.
Sonymen qatar kontsert barysynda qala halqy men qonaqtary úshin qyzyqty konkýrstar uiymdastyrylyp, 50-ge tarta syilyq taratyldy. Olardyń qatarynda «Alatau visit» ortalyǵynyń taqyryptyq arnaiy syi-siiapattary, «ASP ARENA» oiyn-saýyq kesheniniń, «Arystan gym» fitnes ortalyǵynyń jáne «Del Mare» demalys aimaǵynyń sertifikattary boldy.
Alańǵa jinalǵan jurt merekelik kóńil kúige bólenip, ortaq qýanyshpen bólisti. Qonaev qalasynyń turǵyndary úshin bul merekelik kesh birlik pen shattyqtyń aiqyn kórinisine ainaldy.
Gala-kontsert ásem otshashýmen qorytyndylanyp, túngi aspandy túrli tústi shamdarmen kómkerdi. Kórermenderdiń ystyq yqylasy men shat-shadyman kóńil kúii merekeniń shynaiy rýhyn aishyqtai tústi.
