قونايەۆ قالاسىنىڭ 55 جىلدىق مەرەيتويى ەرەكشە سان-سالتاناتپەن اتالىپ، مەرەكەلىك كۇن گالا-كونسەرتپەن قورىتىندىلاندى. ورتالىق الاڭعا 15 مىڭنان استام حالىق جينالدى، دەپ حابارلايدى Dalanews.kz
كەشكى باعدارلامادا قازاقستاندىق ەسترادانىڭ جارقىن جۇلدىزدارى — ميراس جۇگىنىسوۆ، «Bellucci» جانە «Skillz» توپتارى، DJ NURBOOGIE مەن دانا كەنتاي ساحناعا شىعىپ، قالا تۇرعىندارىنا كوتەرىڭكى كوڭىل كۇي سىيلادى. ءان مەن بي مەرەكەلىك الاڭدى شاتتىققا بولەپ، تۇرعىندار انشىلەرمەن بىرگە قوسىلىپ، دۋماندى كەشتىڭ كوركىن قىزدىردى.
سونىمەن قاتار كونسەرت بارىسىندا قالا حالقى مەن قوناقتارى ءۇشىن قىزىقتى كونكۋرستار ۇيىمداستىرىلىپ، 50-گە تارتا سىيلىق تاراتىلدى. ولاردىڭ قاتارىندا «Alatau visit» ورتالىعىنىڭ تاقىرىپتىق ارنايى سىي-سياپاتتارى، «ASP ARENA» ويىن-ساۋىق كەشەنىنىڭ، «Arystan gym» فيتنەس ورتالىعىنىڭ جانە «Del Mare» دەمالىس ايماعىنىڭ سەرتيفيكاتتارى بولدى.
الاڭعا جينالعان جۇرت مەرەكەلىك كوڭىل كۇيگە بولەنىپ، ورتاق قۋانىشپەن ءبولىستى. قونايەۆ قالاسىنىڭ تۇرعىندارى ءۇشىن بۇل مەرەكەلىك كەش بىرلىك پەن شاتتىقتىڭ ايقىن كورىنىسىنە اينالدى.
گالا-كونسەرت اسەم وتشاشۋمەن قورىتىندىلانىپ، تۇنگى اسپاندى ءتۇرلى ءتۇستى شامدارمەن كومكەردى. كورەرمەندەردىڭ ىستىق ىقىلاسى مەن شات-شادىمان كوڭىل كۇيى مەرەكەنىڭ شىنايى رۋحىن ايشىقتاي ءتۇستى.
